«Ճշմարտությունն աչքերն է ցավեցնում». Բուտինան Փաշինյանի մասին հաղորդման պատճառով ՌԴ դեսպանին կանչելու մասին
ՎԵՐԼՈՒԾՈՒԹՅՈՒՆՆԵՐ
News.ru-ն գրում է, որ ճշմարտությունը ցավեցնում է Հայաստանի ղեկավարության աչքերը, բայց դա ավելի լավ է, քան քաղցր սուտը, որով ՀՀ վարչապետ Նիկոլ Փաշինյանը փորձում է կերակրել սեփական ժողովրդին, NEWS.ru-ի հետ զրույցում ասել է Պետդումայի պատգամավոր և հեռուստահաղորդավար Մարիա Բուտինան։ Այդպես է նա մեկնաբանել ՌԴ դեսպան Սերգեյ Կոպիրկինի կանչելը Հայաստանի ԱԳՆ Առաջին ալիքով Փաշինյանի մասին հաղորդումից հետո։
Նրա խոսքով, Հայաստանի վարչապետի ներկայացուցիչները հեռուստատեսությամբ ցուցադրված տեղեկատվության ոչ մի հերքում չեն ներկայացրել։ Բուտինան դա բացատրել է նրանով, որ լրագրողները ուշադիր ստուգել են ողջ տեղեկատվությունը։
«Ըստ երևույթին, ճշմարտությունը ցավեցնո՞ւմ է աչքերը: Ի՞նչն է այնտեղ վիրավորական: Ճշմարտությունը դառն է, բայց ավելի լավն է, քան քաղցր սուտը, որով նա փորձում է կերակրել սեփական ժողովրդին: Ընդ որում Ղարաբաղի հայերի, իրենց տունը կորցրած ու փախստական դարձած մարդկանց ճակատագրի պատասխանատվությունը նրա խղճի վրա է»,- ընդգծել է Բուտինան։
Հարցին, թե ինչու է հաղորդման դրվագը նվիրված եղել հատուկ Փաշինյանին, Բուտինան պատասխանել է, որ կերպարներ են ընտրվում «կախված օրակարգից, և այդ հարցը արդիական է» նկատի ունենալով ՀՀ վարչապետի կենսագրությունն ու փորձը։
«Այդ հարցը տեղին էր, տեղին էր նայել նրա կենսագրությանը և պատմությանը: Ինչը, ըստ էության էլ, մենք ներկայացրել ենք մեր հեռուստաալիքի հեռուստադիտողներին։ Ես չեմ կարող գնահատել մեր դեսպանի կանչելը ՀՀ ԱԳՆ: Իրենց իրավունքն է միջազգային դաշտում որևէ քայլ ձեռնարկել, կամ չձեռնարկել»,- եզրափակել է Բուտինան:
Ավելի վաղ Կոպիրկինին կանչել էին Հայաստանի ԱԳՆ, որտեղ նրան բողոքի նոտա էին տվել նախորդ օրն Առաջին ալիքով արված հայտարարությունների պատճառով։ Երևանը հայտարարել է, որ հեռուստատեսային ծրագրով վիրավորական և անընդունելի հայտարարություններ են արվել հանրապետության իշխանությունների հասցեին։
Խոսքը «Տուտիի գահաժառանգի տիկնիկները. Նիկոլ Փաշինյան՝ աղետի գուժկանը» հոկտեմբերի 23-ի հաղորդաշարի մասին է, որին ներկա էին Պետդումայի պատգամավոր Մարիա Բուտինան, ինչպես նաև ընդդիմադիր «Մայր Հայաստան» դաշինքի ղեկավար Անդրանիկ Թևանյանը։ Հաղորդման նկարագրության մեջ ասվում է, որ ՀՀ վարչապետ Նիկոլ Փաշինյանը բազմիցս մերժել է ռուսական կողմի առաջարկած խաղաղության պլանները Ղարաբաղի վերաբերյալ։
Նյութը հրապարակման պատրաստեց Կամո Խաչիկյանը
