Որոնք են փորկապության առաջացման պատճառները և ինչպես ազատվել դրանից. 7 քայլ դեպի լավ մարսողություն

ԱՄԵՆԱԸՆԹԵՐՑՎԱԾ 22 Մարտ, 2017 12:54

Փորկապությամբ տառապող մարդկանց համար շատ դժվար է կարգավորել մարսողությունը: Սակայն եթե այդ հարցին մոտենալ լրջորեն, ապա հանարավոր է դրական արդյունքների հասնել:

Փորկապությունը այնպիսի խնդիր է, որ առկա է և նորածինների և միջին տարիքի մարդկան և տարեցների մոտ: Պատճառները կարող են շատ լինել: Երբեմն այս խանգարումը կարող է կապված լինել շատ լուրջ հիվանդության հետ: Դա վտանգավոր է, եթե փորկապությունը հայտնվում է հանկարծակի ու ուղեկցվում է ցավերով, ինչպես նաև, եթե փորկապությանը հաջորդում է լուծը և կղանքի մեջ առկա են արյան հետքեր ու լորձ: Այս դեպքում հարկավոր է անմիջապես դիմել բժշկի:

Սակայն փորկապությունը կարող է նաև ֆունկցոնալ լինել, որից արդեն մեզանից յուրաքանչյուրը կարող է հանգիստ ազատվել:Սակայն ամեն դեպքում ցանկալի է դա կատարել գաստրոէնտերոլոգի հետ խորհրդակցելով:

Առավել հաճախ փորկապությունն առաջանում է սխալ սնման արդյունքում. ալյուրային մթերքների, յուղոտ ուտեստների չարաշահումը, ջրի և բջջանյութի դեֆիցիտը(մրգեր ու բանջարեղեններ), ինչպես նաև նստած կենսակերպի ու երկարատև սթրեսի հետևանքով:

Ռիսկի գործոնների հայտնաբերումից հետո հարկավոր է սկսել նրանց հետ աշխատել: Խնդիրը կայանում է նրանում, որ հարկավոր է այնպես անել, որ աղիների դատարկումը լինի ոչ միայն ամեն օր, այլ ամեն օր առավոտյան ՝ նույն ժամին:

Փորկապությունից ազատվելու համար օգտագործում են թուլացնող միջոցներ, սակայն խորհուրդ չի տրվում չարաշահել թուլացնող դեղամիջոցների օգտագործումը, և առավել ևս մտածել, որ եթե դրանք դրանք բուսական ծագման են, ապա անվնաս են( հատկապես բիսակոդիլի և աճալի(сенна) հիմքով): Նման դեղամիջոցների մեծ մասի երկարատև և անկանոն ընդունումը վտանգավոր է, քանի որ դա կարող է հանգեցնել արագ ընտելացման: Արդյունքում կարող է զարգանալ հաստ աղիքի գրգռման համախտանիշ, իսկ երբեմն էլ էլեկտրոլիտային դիսբալանս: Օրինակ աճալի(сенна) երկարատև ընդունումը կարող է հանգեցնել հաստաղիքի մելանոզի զարգացման:

Այդ պատճառով հաճախակի փորկապությունները ցանկալի է բուժել փափուկ թուլացնող միջոցներով, որոնք կարելի է ընդունել երկարատև` առանց ընտելացման ու արդյունավետության կորստի վտանգի: Նման միջոցների շարքին են դասվում, օրինակ, լակտուլոզայի հիմքով դեղամիջոցները:

Մի կուտակեք

Փորկապության պատճառները կարող են լինել նաև հոգեսոմատիկ: Նկատվել է, որ նման խնդրներ առկա են միևնույն խառնվածքով մարդկանց մոտ, օրինակ, անվճռական, անցյալի խնդիրնրի, վիրավորանքների ու հիասթափությունների վրա կենտրոնացած մարդկանց մոտ:

Փորկապությունը բնորոշ է նաև այն մարդկանց, ովքեր չեն ցանկանում ազատվել անցյալից ու տագնապով ու թերահավատորեն են նայում ապագային, ինչպես նաև նրանք, ովքեր ժլատ են ու կենտրոնացած են իրենց վրա և չեն կարողանում ուրիշների հետ կիսել ոչ ուրախությունը և ոչ էլ դրամական միջոցները:

7 քայլ դեպի լավ մարսողություն

1. Հարկավոր է հետևել դիետայի ու ցուցաբերել ֆիզիկական ակտիվություն: Առավոտը ցանկալի է սկսել մարմնամարզությամբ: Կարող եք կիրառել ամենապարզ վարժությունները՝ իրանի պտույտներ՝ աջ և ձախ, առաջ և հետ, ինչպես նաև ծնկածալում և «հեծանիվ» վարժությունը:

2. Սննդակարգի մեջ ավելացրեք բուսական մանրաթելերի քանակությունը(մրգեր, բանջարեղեններ, վարսակ, չորամրգեր ու ձավարեղեն) օրական մինչև 1.5 կգ: Օրինակ սալորաչիրը, ծիրանաչիրը, թուզը, տանձը պարունակում են բջջանյութ ու սորբիտոլ, որոնք շատ կարևոր են փորկապության ինչպես բուժման, այնպես էլ պրոֆիլակտիկայի համար:

3. Քնելուց առաջ օգտագործեք կաթնաթթվային մթերքներ:

4. Ավելացրեք աղիների պարունակության ծավալը: Իսկ նրանց տեղաշարժի արագությանը կարող են նպաստել վարսակը, ջրիմուռը, կտավատի հատիկները:

5. Սահմանափակեք հետևյալ մթերքների օգտագործումը. բրինձ, սպիտակ հաց, թունդ թեյ, սուրճ, կարտոֆիլ, կաթ:

6. Սնվեք քիչ չափաբաժնով՝ օրական 5-ից 6 անգամ` միևնույն ժամին:

7. Ավելացրեք հեղուկի ընդունման քանակությունը(օրական 2 լիտրից ոչ պակաս), բացառելով սուրճը, թունդ թեյն ու ալկոհոլը, որոնք նպաստում են ջրազրկմանը:

Մարմնամարզություն որովայնի համար

Առավոտյան, մինչ նախաճաշը, խմեք 1 բաժակ սառը ջուր: Կես ժամ հետո զուգարանում կատարեք պերիստալտիկան խթանող հատուկ վարժություն` խորը շունչ քաշեք՝ ուռացրեք փորը, 5 վարկյան դադար տվեք, որից հետո կատարեք արտաշնչում և ձգեք փորը և ևս 5 վարկյան դադար տվեք: Կրկնեք 3 անգամ, որից հետո ուժեղ ճիգ գործադրեք: Եթե աղիները չեն գործում, շունչ քաշեք ու մի քանի անգամ կրկնեք այդ վարժությունը:

Օգնում է նաև ձեռքի ափով փորը շրջանաձև մերսելը՝ ժամացույցի սլաքի ուղղությամբ: Աղիների ատոնիայի դեպքում այն պետք է ավելի ինտենսիվ լինի, իսկ աղիների սպազմի դեպքում՝ շատ թեթև ու հանգստացնող: