Արևմուտքը չգիտի ինչ անել Փաշինյանի հետ, առավել ևս Ղարաբաղի հետ
ՎԵՐԼՈՒԾՈՒԹՅՈՒՆՆԵՐ
Svpressa.ru-ն գրում է, որ ելույթ ունենալով Հայաստանի խորհրդարանում Հայաստանի Հանրապետության վարչապետ Նիկոլ Փաշինյանը հայտարարել է, որ պատրաստ է հրաժարական տալ, եթե դա օգնի կարգավորել իրավիճակը երկրում։ «Եթե ես իմանամ, որ իմ հրաժարականն ու հեռանալը կհաղթահարի բոլոր մարտահրավերները, ես դա կանեմ մեկ վայրկյանում, քանի որ ես ձեր նման աթոռից չեմ կառչում»,- ասել է վարչապետը պատասխանելով ընդդիմադիր պատգամավորի հարցին։ Բայց նա նաև պարզաբանել է, որ «իր վերլուծությամբ», եթե կառավարության ներկայիս ղեկավարը հրաժարական տա, տեղի կունենա ճիշտ հակառակը, այսինքն խնդիրները չեն լուծվի։
Սակայն, «svpressa.ru»-ի հետ զրույցում Տարածաշրջանային խնդիրների ինստիտուտի ղեկավար, ՌԴ կառավարությանն առընթեր Ֆինանսական համալսարանի դոցենտ Դմիտրի Ժուրավլևն ասել է, որ անհնար է հավատալ այն փաստին, որ Փաշինյանը «աթոռից չի կառչում»: «Մի մարդ, ով իշխանության է եկել պետական հեղաշրջման միջոցով, դժվար թե չի գնահատում իր աթոռը,- ասել է նա, - այնուամենայնիվ շատ հնարավոր է, որ դա տեղի ունենա, հնարավոր է, որ սեփականատերերը որոշեն փոխել այդ անձին, որպեսզի չնյարդայնացնեն Հայաստանի բնակչությանը։ Այսինքն նրանք կարող են մի Փաշինյանին փոխարինել մեկ ուրիշով, որը նույն քաղաքականությունը կվարի, բայց չի ասոցացվի ղարաբաղյան ողբերգության հետ։ Ընդ որում, ամենևին էլ պարտադիր չէ, որ այդ ամենի համար ինչ որ մեկը Փաշինյանի համաձայնությունը ստանա»:
«svpressa.ru».- Ուրեմն արդարացի է այն հայտարարությունը, թե «Փաշինյանն իր գործն է արել, Փաշինյանը կարող է հեռանալ»:
«Դմիտրի Ժուրավլև».- Ես հավատում եմ, որ դա հնարավոր է։ Եթե, իհարկե, դեռ պետք է նրան պահել՝ նա կմնա։ Բայց եթե պետք լինի ընտրություն կատարել Հայաստանի արևմտամետ կուրսի ու Փաշինյանի անձի միջև, բնականաբար, նրանք կընտրեն արևմտամետ կուրսը։
«svpressa.ru».- Եթե Փաշինյանը «հեռանա», դա ինչ-որ բան կփոխի՞ Հայաստանում:
«Դմիտրի Ժուրավլև».- Զգացմունքային ինտենսիվությունը կթուլանա, քանի որ այս դեպքում բոլոր շները բաց կթողնեն Փաշինյանի վրա։ Նրանք կասեն, որ նա է մեղավոր բոլոր անախորժությունների համար։ Այսինքն ասել են, որ պատժվել ու հեռացվել է, ու դրանից հետո պետք է մոռանալ ամեն ինչ ու ապրել նորովի, այսինքն՝ շարունակել լիզել Ֆրանսիայի ու Ամերիկայի հետույքը։ Միևնույն ժամանակ, ես բոլորովին չեմ կարծում, որ Փաշինյանն ինքը նաև կհեռանա քաղաքականությունից, նա միայն կհեռանա իշխանությունից, իսկ որոշ ժամանակ անց, գուցե ինչ որ ցիկլից հետո, կվերադառնա։ Ուղղակի հիմա պետք է հանգստացնել ժողովրդին, քանի որ Հայաստանում իրավիճակը լարվել է, հայտնվել են փախստականներ Լեռնային Ղարաբաղից, և դա շատ է նյարդայնացնում բնակչությանը։ Ոմանք խղճում են նրանց, ոմանք ուզում են, որ նրանք գոյություն չունենան: Եվ ոչ ոք հանգստություն չունի։ Այս իրավիճակում ավելի լավ է, որ Փաշինյանը չլինի: Հետևաբար, Արևմուտքն ուրախ կլինի նրան, այսպես ասած, մի տեսակ անջատել։ Փաշինյանն ինքը պաշտպանվելու է ու պայքարելու է: Բայց եթե Եվրոպայում ու Միացյալ Նահանգներում հասկանան, որ գործող վարչապետին փրկելու միջոց չկա՝ կզոհաբերեն նրան, այն էլ առանց մեծ ափսոսանքի ու նայարդայնացման։
«svpressa.ru».- Քանի որ հավանականություն կա, որ Արևմուտքը կփոխի Փաշինյանին, կարո՞ղ ենք ենթադրել, որ Լեռնային Ղարաբաղի հարցը նորից է բարձրանալու։
«Դմիտրի Ժուրավլև».- Ներկայիս քաղաքական իրավիճակի համար՝ այո։ Բայց, սկզբունքորեն, այդ հարցին վերջակետ չի էլ դրվել: Մարդկանց պետք է ինչ-որ տեղ տեղավորել, բնակչությանը հանգստացնել, ռևանշիստական տրամադրությունները մարել, և այդ ամենը շատ մեծ խնդիր է։ Չեմ կասկածում, որ Ղարաբաղի խնդիրը նորից կբարձրանա, այնտեղ լիակատար հաղթանակ չի կարող լինել, կարող է լինել միայն զինադադար: Բայց դա ձեռնտու է միայն Փաշինյանին, բայց ոչ հայ ժողովրդին։
«svpressa.ru».- Արևմուտքին ձեռնտու՞ է զինադադարը Հայաստանի ու ադրբեջանի միջև:
«Դմիտրի Ժուրավլև».- Բարդ հարց է: Արևմուտքը չի կարող Ղարաբաղը վերցնել Ադրբեջանից և տալ Հայաստանին, դրա համար իրական ուժ չկա։ Արևմուտքը միայն փողով պայքարել գիտի: Իսկ դա նշանակում է, որ նախկին խորհրդային երկու հանրապետությունների միջև հակամարտությունն անպայման կսկսվի։ Հարցն այն է, թե ե՞րբ՝ մեկ ամսի՞ց, թե՞ տասը տարուց։ Հասկանում եք, երբ կան ազգամիջյան խնդիրներ, դրանք ամբողջությամբ չեն կարող լուծվել։ Այդ հարցերը, իհարկե, կարելի է երկուստեք ներել ու մոռանալ, բայց դա շատ բարդ խնդիր է։
Նյութը հրապարակման պատրաստեց Կամո Խաչիկյանը
