Գևորգ Միրզայան. Ղարաբաղցի փախստականների ընդունումը ձեռնտու է Ռուսաստանին
ՎԵՐԼՈՒԾՈՒԹՅՈՒՆՆԵՐ
Publico.ru-ն գրում է, որ Լեռնային Ղարաբաղում հերթական սրացման ավարտից հետո, որը փաստացի ավարտվեց չճանաչված հանրապետության կապիտուլյացիայով, սկսվեց հայ բնակչության զանգվածային արտագաղթը։ Մարդիկ փախչում են ունենալով մտավախություն, որ տարածաշրջանում կարող է սկսվել էթնիկ զտումներ: Հայաստանն արդեն ընդունել է տասնյակ հազարավոր փախստականների. Արդյո՞ք Ռուսաստանը նույնպես պատրա՞ստ է աջակցել այդ մարդկանց և ընդունել նրանց։ Այդ հարցին Publico-ին պատասխանել է քաղաքագետ, լրագրող Գևորգ Միրզայանը։
«Զուտ տեսականորեն Ռուսաստանը, անշուշտ, պատրաստ է ընդունել նրանց։ Դրա հետ կապված խնդիր չկա։ Կան տարածքներ, հնարավորություններ և օրինական հիմքեր ընդունելու այդ փախստականներից գոնե մի մասին։ Բայց նրանց, բնականաբար, ովքեր ցանկություն կհայտնեն ապրելու Ռուսաստանում, ընդունում են ռուսական օրենսդրությանը, և, ընդհանրապես, առանց որևէ խնդրի կարող են ինտեգրվել ռուսական հասարակությանը»,- ասել է փորձագետը։
Հեշտ ինտեգրման պատճառների թվում նա նշել է այն, որ Լեռնային Ղարաբաղի բնակիչները քրիստոնյաներ են, և բացի այդ, Ռուսաստանում բավականաչափ հայեր կան, ովքեր նույնպես պատրաստ են օգնել նրանց բնակություն հաստատելու հարցում։
«Մոսկվան, ընդունելով հայ փախստականների գոնե մի մասին, մեծապես կբարելավի իր իմիջը, թե՛ Հայաստանում, թե՛ սկզբունքորեն հետխորհրդային տարածքում, և դրանով իսկ լուրջ խոչընդոտ կդնի Նիկոլ Փաշինյանի քարոզչությանը։ Ուստի Ռուսաստանը պատրաստ է ընդունել, և Ռուսաստանը հավանաբար պետք է ընդունի»,- եզրափակել է նա։
Նյութը հրապարակման պատրաստեց Կամո Խաչիկյանը
