Anonymous-ի hաքերները պատերազմ են հայտարարել Ադրբեջանին կապված Լեռնային Ղարաբաղում ստեղծված իրավիճակի հետ
ՎԵՐԼՈՒԾՈՒԹՅՈՒՆՆԵՐ
Naked-science.ru–ն գրում է, որ Anonymous-ի հաքերները պատերազմ են հայտարարել Ադրբեջանին կապված Լեռնային Ղարաբաղում ստեղծված իրավիճակի հետ
Anonymous հաքերների և ակտիվիստների միջազգային ցանցը, որը պաշտպանում է ազատությունը համացանցում, անանունության իրավունքը և խտրականության բացակայությունը, մեղադրում է Ադրբեջանին Լեռնային Ղարաբաղը զավթելու, տեղի բնակիչներին ճնշելու և էթնիկ զտումների մեջ:
Խմբավորման տարածած հայտարարության մեջ ասվում է, որ «ադրբեջանական զինվորները ոչնչով չեն տարբերվում ԴԱԻՇ-ից*»։ Հաքերները անջատել են ադրբեջանական էլեկտրոնային կառավարման կայքը համացանցից և սկսել կոտրել պետական այլ ռեսուրսներ։
Սեպտեմբերի 19-ին Ադրբեջանի պաշտպանության նախարարությունը հայտարարեց Լեռնային Ղարաբաղում ռազմական գործողություն սկսելու մասին։ Հայաստանի ԱԳՆ-ն դա անվանել է «հերթական լայնածավալ ագրեսիա» և «էթնիկական զտումների քաղաքականությունը» ավարտին հասցնելու ցանկություն։ Ըստ Երևսանի ռազմական օբյեկտները ոչնչացնելու մտացածին պատրվակով գնդակոծության են ենթարկվել բնակավայրերն ու քաղաքները, այդ թվում մայրաքաղաք Ստեփանակերտը։
Մեկ օր անց Լեռնային Ղարաբաղի կառավարությունը կապիտուլյացիայի մասին հայտարարեց Բաքվին։ Այդ ժամանակվանից խաղաղ բնակիչները սկսեցին տարհանվել Հայաստան Լաչինի միջանցքով, որը վեց կիլոմետրանոց լեռնային ճանապարհ է։
Սեպտեմբերի 28-ի ժամը 13:00-ի դրությամբ չճանաչված հանրապետությունը լքել է ավելի քան 70 հազար ներքին տեղահանված անձ, որը ընդհանուր բնակչության կեսից ավելին է։ Նախագահ Սամվել Շահրամանյանը հրամանագիր է ստորագրել, որ հաջորդ տարվանից Լեռնային Ղարաբաղի Հանրապետությունը դադարում է գոյություն ունենալ։
Նյութը հրապարակման պատրաստեց Կամո Խաչիկյանը
