Ստեփանակերտում պայթյունը Ադրբեջանի կողմից իրականացված ահաբեկչություն է․ Լապշինը ներկայացրել է հնարավոր հաջորդ քայլերը

«Ստեփանակերտում բենզինի ցիստեռնի պայթյունը Ադրբեջանի կողմից իրականացված կանխամտածված ահաբեկչություն է։ Հաշվի առնելով այն, որ խոսքն ադրբեջանական Socar-ից ուղարկված բենզինի մասին է (ինչպես գրում են ԶԼՄ-ները), ապա պայթուցիկը իրենք էլ  գործարկել են։ Բենզինն ինքն իրեն չի բռնկվում, սա հոլիվուդյան կինոնկար չէ,  դպրոցական մակարդակի ֆիզիկա է»,- գրել է Լապշինը։

Նա նշել է, որ Ադրբեջանն Արցախում ցեղասպանություն է իրականացնում։

«Մուսուլմանական Ադրբեջանի կողմից իրականացվող Արցախի բռնի ապաքրիստոնեացումը ոչնչով չի տարբերվում Հոլոքոստի հանցագործություններից»- գրել է բլոգերը։

Նրա խոսքով՝  Ադրբեջանի ղեկավարությունը  ներկայումս ծրագրում է հետևյալը.

1. Ստեփանակերտում բնակելի շենքերի պայթեցում, ինչը կբացատրվի հայերի կողմից գազի հետ անզգույշ վարվելով (ինչը չկա)։

2. Փախստականներով մեքենաներից մեկում պայթուցիկ տեղադրել՝ պայթեցնելու և կոտորելու խաղաղ բնակիչներին:

3. Հարձակվել սեփական դիրքի վրա և սպանել մի քանի սեփական զինվորների՝ Ստեփանակերտ մուտքն արագացնելու նպատակով։ 

4. Բռնաբարություն և սպանություն տարեց մարդկանց, ովքեր կարող են մնալ իրենց բնակարաններում։