Վերին հարցումը. Ավինյանը շանս չունի

«GALLUP International association» հայաստանյան ներկայացուցչությունը երեկ ամփոփել է վերջին հարցումները, նշել, թե ինչպես են քվեարկելու երևանցիներն առաջիկա ընտրություններին։ Հարցումը վկայում է, որ գործող իշխանությունների թեկնածուն՝ Տիգրան Ավինյանը, բացարձակապես որևէ շանս չունի դառնալու Երևանի քաղաքապետ։ Հարցման մասնակիցների միայն 22,5 %-ն է հայտարարել, որ քվեարկելու է ՔՊ-ի և Ավինյանի, 14,3 %-ը իր ձայնը տալու է Հայկ Մարությանի օգտին։ Հարցվածների 7,8 %-ը ընտրելու է «Մայր Հայաստան» դաշինքին՝ Անդրանիկ Թևանյանի գլխավորությամբ, 6,7 %-ը՝ «Հանրային ձայն» կուսակցությանը՝ կալանավորված Արտակ Գալստյանի գլխավորությամբ, 5,7 %-ն իր ձայնը կտա «Ապրելու երկիր» կուսակցությանը և Մանե Թանդիլյանին, հարցվածների 5,2 %-ն էլ՝ «Հանրապետություն» կուսակցությանը և Արտակ Զեյնալյանին։ Հաջորդ ուժն արդեն՝ «Լուսավոր Հայաստանը», Դավիթ Խաժակյանի առաջնորդությամբ, կարող է չհավաքել անհրաժեշտ 4 %-ը, այդ կուսակցությունը ստանում է, ըստ հարցումների, միայն 3,8 %։ Եվս 3,6%-ն իր քվեն կտա Վիկտոր Մնացականյանի «Հաղթանակ» կուսակցությանը, մնացած մանր տոկոսները բաշխվել են մասնակից մյուս ուժերի միջև։ Հարցվածների 9,9 %-ը դժվարացել է պատասխանել, իսկ 11,6 %-ն էլ հրաժարվել է հայտնել, թե ում օգտին է քվեարկելու։

Ըստ հայաստանյան ներակայացուցչության տնօրեն Արամ Նավասարդյանի՝ ընտրությունների մասնակցությունը բավականին բարձր է լինելու, թերևս հենց այս հանգամանքն էլ կանխորոշելու է իշխող ուժի պարտությունը։ Տևական ժամանակ նրանք փորձում են հանրությանը համոզել չմասնակցել ընտրություններին, որքան ցածր լինի մասնակցությունը, այնքան կբարձրանան Ավինյանի շանսերը, սակայն այժմ երեկվա հանրահավաքի ձախողումից հետո, արդեն կարելի է փաստել, որ նույնիսկ այն մարդիկ ովքեր տատանվում էին, մտածելու են գնալ ընտրության, քվեարկել իշխանության և նրա սպասարկուների դեմ՝ ասպիսով դնելով Հայաստանում փոփոխությունների սկիզբը։ 

Արամ Սարատիկյան