Արթուր Աթաևն այն մասին, թե ինչու է Հայաստանը խոսում Հարավային Կովկասից Ռուսաստանի դուրս գալու մասին
ՎԵՐԼՈՒԾՈՒԹՅՈՒՆՆԵՐ
Ukraina.ru-ն գրում է, որ Ռուսաստանի կուրսը Հարավային Կովկասում գնալով ավելի պրագմատիկ է դառնում, կարծում է քաղաքագետ, հասարակական գործիչ, քաղաքական գիտությունների թեկնածու Արթուր Աթաևը։
Այս մասին նա խոսել է Ukraina.ru-ին տված հարցազրույցում։
Հիշեցնենք, որ Հայաստանի վարչապետ Նիկոլ Փաշինյանը ռազմավարական սխալ է անվանել Հայաստանի անվտանգության կախվածությունը միայն Ռուսաստանից։ Բացի այդ, Փաշինյանը կարծում է, որ, հավանաբար, հենց Ռուսաստանն է դուրս գալիս Հարավային Կովկասից։
-Արթուր Վիկտորովիչ, իսկապե՞ս Ռուսաստանը սկսել է ավելի քիչ ուշադրություն դարձնել Հարավային Կովկասի խնդիրներին Ուկրաինայում հատուկ ռազմական գործողության ֆոնին:
- Ներկա աշխարհաքաղաքական պայմաններում Ռուսաստանը ոչ մի կերպ չի կարող լքել Հարավային Կովկասը, քանի որ Վրաստանի, Աբխազիայի, Հարավային Օսիայի, Հայաստանի, բացառությամբ Ադրբեջանի, անվտանգության միակ իրական երաշխավորը ռուսական գործոնն է։ Այլ գործոններ պարզապես չկան։ Փաշինյանի հայտարարությունը, կա՛մ ավելի էմոցիոնալ է, կա՛մ ավելի դեկլարատիվ պայմանավորված այն հանգամանքով, որ Ռուսաստանի կուրսը դառնում է ավելի հավասարակշռված, ավելի պրագմատիկ։
- Այս հայտարարության ֆոնին ՆԱՏՕ-ի Եվրոպական զարգացման կոմիտեի նախագահ Գյունտեր Ֆելինգերը Հայաստանին կոչ է արել միանալ դաշինքին։ Երկրի ԱԳՆ-ն հայտարարել է, որ Երևանը չի պատրաստվում դա անել, բայց որքանո՞վ կարող է այս գաղափարը հանրաճանաչ լինել հայ քաղաքական վերնախավում։
-Հայաստանի քաղաքական հասարակությունն այժմ հիմնականում արևմտամետ է։ Քաղաքական վերնախավի զգալի մասը որպես իրենց հիմնական գործընկերներ համարում է Ֆրանսիան, Եվրամիությունը, ՆԱՏՕ-ն։ Ցավոք, այդպես է։ Բայց հիմա Հայաստանում ընդդիմության մի մասն ավելի ռուսամետ է և եվրասիամետ:
-Ինչպե՞ս եք գնահատում Ռուսաստանի անվտանգության ռիսկերը կապված Երևանի արևմտամետ կուրսի հետ։
-Հիմա Ռուսաստանի համար Հարավային Կովկասում ռիսկեր բոլորովին չկան, որովհետև այստեղ դեր է խաղում էներգետիկ բաղադրիչը, սահմանների անվտանգության գործոնը։ Համագործակցություն է հաստատվել նաև Թուրքիայի, Իրանի և համաշխարհային այլ խաղացողների հետ։ Ռուսաստանը կայունացնող գործոն է այդ տարածաշրջանում:
Նյութը հրապարակման պատրաստեց Կամո Խաչիկյանը
