«Սորոսականները» վնգստոցի հերթական ալիքն են բարձրացրել

Արցախում տեղի ունեցած վերջին վերադասավորումներից հետո ներքաղաքական ինտրիգները շարունակում են լարված մնալ։ Ինչպես հայտնի է՝ օրերս Արայիկ Հարությունյանը հրաժարականի դիմում ներկայացրեց, սակայն մինչ հրաժարականը Գուրգեն Ներսիսյանի փոխարեն պետնախարար նշանակեց ԱԽ քարտուղար Սամվել Շահրամանյանին, ով, ըստ նախապես շրջանառված տեղեկությունների, առաջիկայում ԱԺ կողմից կընտրվի նաև որպես Արցախի նախագահ։

Ըստ էության, Արցախում տեղի ունեցող ներքաղաքական զարգացումները, ինչպես և սպասվում էր, իրենց արձագանքն ու լայն տիրաժավորումը ստացան ՀՀ քաղաքական տիրույթում։ Սա, հատկապես, էլ ավելի ընդգծվեց Հարությունյանի հրաժարականի ֆոնին։ Մասնավորապես, փաշինյանական իշ­խա­նու­թյան սա­տե­լիտ­նե­րը տե­ղե­կատ­վա­կան տար­բեր հար­թակ­նե­րում «մեծ գույժ» են հայտ­նում՝ բա­վա­կան սգա­վոր տո­նայ­նու­թյամբ, ի դեպ, հատկանշական է, որ այդ վայնասունի թե­ման Ադր­բե­ջա­նի ագ­րե­սի­ան չէ, ոչ էլ, ընդ­հան­րա­պես, սահ­ման­նե­րին տի­րող վի­ճա­կը: Իշ­խա­նա­կան ու իշ­խա­նա­մերձ սա­տե­լիտ­նե­րի միտքն այն է, որ Ար­ցա­խում փաս­տա­ցի իշ­խա­նա­փո­խու­թյուն է  տե­ղի ունե­ցել, և հի­մա Հա­յաս­տա­նում կարող է նո­րից կտրուկ ակ­տի­վա­նալ ընդ­դի­մու­թյու­նը: Ավե­լին, նրանք «գու­ժում» են, որ հակաիշ­խա­նա­կան, իսկ ավե­լի կոնկ­րետ՝ հա­կա­նի­կո­լա­կան մեծ ալիք է սպաս­վում:

Հատկանշական է, որ այս նույն ան­հատ­նե­րը և հար­թակ­նե­րն ին­տեն­սի­վո­րեն առաջ են քա­շում Նի­կոլ Փա­շի­նյա­նին աջակ­ցե­լու, պաշտ­պա­նե­լու թե­զը, ոմանք նույ­նիսկ բա­ցա­հայտ կոչ են անում կոշտ ու կան­խար­գե­լիչ քայ­լեր իրա­կա­նաց­նել: Ընդգծենք, որ այս թե­մա­յի հետ կապված նո­րից հի­շել են բազ­միցս չարչրկ­ված ու կի­րառ­ված «նախ­կին­նե­րի վե­րա­դար­ձի» թե­ման: Դրանից բացի, այս օրերին նույն այդ սա­տե­լիտ­ կոչվածներն առաջ էին քա­շում սահ­ման­նե­րին ու Ար­ցա­խում տի­րող վի­ճա­կի և այս պայ­ման­նե­րում Հա­յաս­տա­նի ներ­սում քա­ղա­քա­կան սրացում­նե­րի «ան­թույ­լատ­րե­լի­ու­թյան» թե­մա­նե­րը:

Թե ին­չից են կոնկ­րետ այս­պես ան­հանգս­տա­ցած իշ­խա­նու­թյուն­նե­րը, կա­րե­լի է մի­այն կռա­հել, սա­կայն ուշագ­րավ է, որ, ինչ­պես միշտ, հրա­հան­գը կա­տա­րե­լու հար­ցում երև­ա­կա­յու­թյան ու կրե­ա­տի­վու­թյան բա­ցա­կա­յու­թյան պատ­ճա­ռով գրե­թե բո­լոր հոդ­ված­ներն ու գրա­ռում­նե­րը բառա­ցի նույ­նա­կան են:

Ավելին, ինչպես և կանխատեսելի էր, Շահրամանյանին պետնախարար նշանակելու փաստը լուրջ դժգոհություն է առաջացրել Արցախում գործունեություն ծավալող «սորոսականներին», ովքեր հիմնականում Նիկոլ Փաշինյանի ցուցումով ու անմիջական ուղղորդմամբ են շարժվում։ Վերջիններս, այս օրերին տարբեր շրջանակներում, ինչպես նաև սոցհարթակներում Շահրամանյանի նշանակումը համարում են «Արցախի պետականության դեմ ուղղված քայլ»՝ շեշտելով, թե «այն հանգեցնելու է Արցախի վերջնական կորստին» (այս թեզերի տիրաժավորումը բավական ակտիվ է հատկապես տելեգրամյան ալիքներով)։

Հավելենք նաև, որ արցախցի «սորոսականներից» ոչ պակաս ակտիվ, ու ինքնամոռաց, գրեթե նույնաբովանդակ քննադատություն ու կոչերի ալիք է սկսվել նաև հայաստանյան տիրույթում։ «Զարմանալի» զուգադիպությամբ՝ Հարությունյանի շուրջ համախմբելու և, իրենց բառերով ասած՝ «Արցախը փրկելու» հայտարարություններ էին հնչեցնում նաև ՀՀ քաղաքական դաշտի Արևմուտքից ֆինանսավորվող «բլոկի» ներկայացուցիչները՝ տեղի ունեցածը որակելով «Արցախում ռևանշիստների հաղթանակ»։ Ասվածի վառ օրինակը Հանրային հեռուստատեսության եթերում վերջերս տեղի ուենցած բավական հանգամանալից քննարկումն էր, որի ընթացքում Նիկոլին սպասարկող և նրա թեզերը փորձագիտական տիրույթում գեներացնող անհատներից մեկը թեման աստիճանաբար բացում էր և ներկայացնում իշխանության իրական մոտեցումները:

Արմեն Հովասափյան