«Շատ եմ սիրում Պետերբուրգը». հայաստանցի ռեժիսորը հյուսիսային մայրաքաղաքում բեմադրում է Շեքսպիր
ՎԵՐԼՈՒԾՈՒԹՅՈՒՆՆԵՐ
Vecherka-spb.ru–ն գրում է, որ Հայաստանից ժամանած ռեժիսոր Կարո Բալյանը որոշել է Սանկտ Պետերբուրգում բեմադրել Շեքսպիրի հայտնի պիեսի հիման վրա բեմադրված «Ամառային գիշերվա երազ» ներկայացումը։ Բրյանցևի անվան պատանի հանդիսատեսի թատրոնում փորձեր են ընթանում։
Նրա խոսքով հյուսիսային մայրաքաղաքում թատերական մշակույթը ամենաբարձր մակարդակի վրա է։ Ուստի, երբ նրան հրավիրել են այստեղ մի քանի ներկայացումներ բեմադրելու` Բալյանն ուրախությամբ համաձայնել է: «Ես շատ եմ սիրում Սանկտ Պետերբուրգը և կատակով ասում եմ, որ Երևանից հետո այն աշխարհի ամենագեղեցիկ քաղաքն է։ Միևնույն ժամանակ ես նկատի ունեմ ոչ միայն հոյակապ ճարտարապետությունը` պալատները, թմբերը, այլ նաև վերաբերմունքը թատրոնին»,- ասել է ռեժիսորը spb.aif.ru-ին տված հարցազրույցում։
Նա նաև խոստովանել է, որ Շեքսպիրին համարում է աշխարհի մեծագույն դրամատուրգներից մեկը։ Հանգամանքներն այնպիսին են եղել, որ նրան առաջարկել են վերակենդանացնել Շեքսպիրյան փառատոնը Երեւանում։ Այդ փառատոնը գոյություն ուներ 2005 թվականից և շատ հայտնի էր, սակայն ֆինանսավորման խնդիրների պատճառով մի քանի տարով դադարեցրել է աշխատանքը։ Այժմ փառատոնը վերածնվել է, և արդեն ութ տարի հանդիսատեսին կրկին հրավիրում են ներկայացումների։
«Ամառային գիշերվա երազ» ներկայացման վրա աշխատում է երիտասարդ և պրոֆեսիոնալ թիմ»,- հավելել է ռեժիսորը։ Խոսքը դերասաններ Աննա Միգիցկոնի, Ռադիկ Գալիուլինի, Աննա Սլինկոնի, Կոնստանտին Ֆեդինի և այլոց մասին է, ինչպես նաև բեմանկարիչ Լինա Դիկովանու և կոմպոզիտոր Անահիտ Մնացականյանի։
Նյութը հրապարակման պատրաստեց Կամո Խաչիկյանը
