Փաշինյանի այցը Սյունիք տխուր կվերջանա որոշ պաշտոնյաների համար

Անցած հանգստյան օրերին վարչապետի պաշտոնը զբաղեցնող Նիկոլ Փաշինյանն այցելել էր Սյունիք և հանդիպումներ ունեցել, եղել տարբեր քաղաքներում, հանդիպել քաղաքապետերին, հանդիպումներ ունեցել ԶՊՄԿ-ում, Կապանի օդանավակայանում և այլուր։ Ըստ այդմ այս այցից հետո, մեր աղբյուրների փոխանցմամբ, մի շարք բարձրաստիճան պաշտոնյաներ կարող են հրաժեշտ տալ իրենց պաշտոնին, առնվազն սեպտեմբերի 17-ին Երևանի ավագանու ընտրություններից հետո։

Բանն այն է, որ Փաշինյանին հենց տեղում տրված համայնքապետերից շատերը զեկուցել են, որ առնվազն 2-3 հոգի լրջագույն խնդիրներ են հարուցում պետական սուբսիդիաների տրամադրման հարցում, ինչպես նաև տեղեկությունները ճիշտ չեն փոխանցում Կառավարություն։ Նույնիսկ Փաշինյանի էջում հրապարակած տեսանյութերում երևում է, թե ինչպես է նա այդ կապակցությամբ զայրանում Տարածքային և ենթակառուցվածքների նախարար Գնել Սանոսյանի վրա։

Մեր աղբյուրի փոխանցմամբ՝ Փաշինյանն ընդհանրապես որոշել է Սանոսյանին հեռացնել պաշտոնից և այլ պաշտոնի չնշանակել։ Սև, մութ ամպեր են տարածվել նաև այլ պաշտոնյաների՝ մասնավորապես Քաղաքաշինության կոմիտեի ղեկավարի գլխին, վերջինս, սակայն, մեր աղբյուրների փոխանցմամբ, միայն նկատողութուն է ստանալու և առայժմ իր պաշտոնին հրաժեշտ չի տա։ Ի դեպ, տեղերում բազմաթիվ համայնքապետեր պարզ օրինակներով ցույց են տվել, թե՛ կատարված աշխատանքները և, թե՛ աշխատանքները, որոնք պետք է վաղուց կատարված լինեին, սակայն այդպես էլ Սանոսյանի և այլ պաշտոնյաների պատճառով ոչինչ պարզապես չի արվել։

Անժելա Սանասարյան