«Արցախը վերածել կովկասյան Շվեյցարիայի...»
ՎԵՐԼՈՒԾՈՒԹՅՈՒՆՆԵՐ
Caucasianknot.com-ը գրում է, որ արևը թխում է, շոգ է... Առավոտը սկսվեց հետաքրքիր: Հայաստանի ընկերոջից զանգ, նա վթարի է ենթարկել մեքենան, իսկ ես դեռ հին մեքենայի մասեր ունեմ։ Ասում է կարո՞ղ ես ուղարկել Երևան։ Հարցնում եմ, թե ինչպե՞ս է դա պատկերացնում։ Դե, ասում է, ձեր տաքսու վարորդների հետ, կամ երթուղայինով։ Ասում եմ, որ ոչ ոք մեքենա չի քշում, ախպեր, մեզ մոտ շրջափակում է, գուցե՞ միայն ուղղաթիռով կարող եմ ուղարկել, բայց գներն այնպիսին են, որ քեզ համար ավելի հեշտ կլինի նոր մեքենա գնել...
Ինչպես է Փաշինյանն այնտեղ զոմբիացրել ժողովրդին: Իսկապե՞ս երևանցիները չգիտեն, որ Ստեփանակերտը 200 օրից ավելի լիակատար շրջափակման մեջ է, ոչ կարող ենք գալ, ոչ գնալ, նույնիսկ ուտելիք չեն բերում, խանութների դարակները դատարկ են: Վերջերս նկատել եմ, որ քաղաքում ավելի ու ավելի շատ են անցորդները բարձրաձայն ինչ որ բան քննարկում, ոչ բոլորի նյարդերն են դիմանում... Կարտոֆիլ ուտում են բոլորը, ամեն օր, բայց ուրիշ ոչինչ։ Արևածաղկի ձեթ չկա, ձու չի վաճառվում, բերքը հիմնականում կարկուտը տարել է։ Հավ էլ չկա։ Փողոցներում ավելի շատ հեծանվորդներ են, քան մեքենաներ։ Հասարակական տրանսպորտը (երթուղային տաքսիները) նույնպես կրճատվել են, և բնականաբար եղածը երթևեկում են ամբողջությամբ լցված, բայց ինչը Ստեփանակերտում միշտ հաճելի է եղել դա այն է, որ տարեցներին միշտ զիջում են։
Վերջերս մի խումբ ակտիվիստներ հավաքվել էին նախագահականի մոտ և հարց էին բարձրացնում. ինչպե՞ս ապրել։ Տիգրան Պետրոսյանը դուրս եկավ ժողովրդի մոտ, շատերը հավատացին նրան, երբ նա խնդրեց մի քիչ էլ սպասել, ասում էր, որ հարցը ինտենսիվ քննարկվում է ամենավերևում՝ Կրեմլում։ Մարիա Զախարովան էլ հաստատել է, որ տեղյակ է տարածաշրջանում հումանիտար իրավիճակի վատթարացման մասին և ծայրահեղ մտահոգություն է հայտնել։
Եթե Կրեմլում ու Ադրբեջանում հույս ունեն, որ սովն ու դժվարությունները մեզ կստիպեն համաձայնվել միանալ Ադրբեջանին՝ սխալվում են։ Դատելով ամերիկացի դեսպանի վերջերս տված հարցազրույցից Սպիտակ տունը ևս սխալվում է: Հասկանալի է, որ ուժի յուրաքանչյուր վեկտոր ունի իր շահերը տարածաշրջանում, բայց մենք մեր զավակներին չենք դատապարտի ապագա ցեղասպանության հանուն նրանց շահերի։
Մեր կառավարության ելույթներում զգացվում է շփոթություն, այդ մարդիկ քաղաքականությունից քիչ են հասկանում, ավելի շատ սովոր են բյուջեից ու սփյուռքի օգնությունից պատառներ պոկել, բայց անգամ նրանք են հասկանում, որ Ադրբեջանի մաս դառնալու համաձայնությունը մեր ողջ ժողովրդի համար հաստատ մահ է։ Պատմությունը բացահայտում է ստերը...
Մեզ համար ամենալավ տարբերակն Արցախը կովկասյան Շվեյցարիա դարձնելն է, մանավանդ որ բոլորը գիտեն, որ մեր հարևաններից ոչ մեկի վրա չենք հարձակվելու, քանի դեռ մեզ ձեռք չեն տվել...
Նյութը հրապարակման պատրաստեց Կամո Խաչիկյանը
