Մոդեստ Կոլերովը զգուշացրել է, որ ռուս խաղաղապահների ելքը Ղարաբաղից կբերի աղետի
ՎԵՐԼՈՒԾՈՒԹՅՈՒՆՆԵՐ
Iarex.ru-ն գրում է, որ ռուս խաղաղապահների և, հետևաբար, Լեռնային Ղարաբաղի հայ բնակչության համար հիմնական վտանգը հիմա գալիս է Ադրբեջանից և Հայաստանից, ասել է պատմական գիտությունների թեկնածու Մոդեստ Կոլերովը։ «Այն խաղաղության հաստատման տեմպը, որ վերցրել է Փաշինյանը, ավելորդ է դարձնում ցանկացած այլ խաղաղապահների, այսինքն ռուս խաղաղապահների ներկայությունը, բացի իրենից՝ Փաշինյանի ներկայությունից»,- ասել է նա։
Նրա կարծիքով, ռուս խաղաղապահների հեռանալն աղետ կլիներ։ Ավելին, նման արդյունքի հավանականությունը շատ մեծ է:
«Միգուցե որոշակի անցումային շրջան ստեղծվի, բայց դա կնշանակի Ղարաբաղի հայ բնակչության անհապաղ տարհանում։ Մենք ոչ մի կերպ չենք կարողանա իրականացնել մատակարարումներ մեր խաղաղապահներին, նրանք պատանդ են։ Ղարաբաղն Ադրբեջանի կազմում ճանաչելու բանաձևը, որն առաջ է քաշել Փաշինյանը, արդեն հնչել է, նոր բան չի լինի», - վստահ է Կոլերովը։
Նա նաև հավելել է, որ Ադրբեջանն ուղղակիորեն թշնամաբար է տրամադրված Ռուսաստանի նկատմամբ Ուկրաինայում ընթացիկ ռազմական գործողության մեջ, և Ալիևը հնարավորությունը չի կորցնի հերթական անգամ նվաստացնել Ռուսաստանին։
Նշենք, որ դեռ 2023 թվականի ապրիլին, մեկնաբանելով Հայաստանի վարչապետ Նիկոլ Փաշինյանի խոսքերը Ադրբեջանի տարածքային ամբողջականությունը ճանաչելու մասին, Կոլերովը REX-ին ասել էր, որ Փաշինյանը Հայաստանի համար փակել է Լեռնային Ղարաբաղի (Արցախի) էջը։
Նյութը հրապարակման պատրաստեց Կամո Խաչիկյանը
