Ֆրանսիան Հայաստանում նոր դեսպան է նշանակել
ՎԵՐԼՈՒԾՈՒԹՅՈՒՆՆԵՐ
Realtribune.ru–ն գրում է, որ Արտաքին գործերի խորհրդական Օլիվիե Դեկոտինին նշանակվել է Հայաստանում Ֆրանսիայի դեսպան։ Այս մասին հայտարարել է Ֆրանսիայում Հայաստանի պատվավոր հյուպատոս Դենիս Ջորկաեֆը։ Նրա պաշտոնավարման ժամկետը սկսվում է հուլիսի 21-ից։
Դեկոտինին Ֆրանսիայի նախկին գլխավոր հյուպատոս է Էրբիլում (Իրաքյան Քրդստան): 2015-2016 թվականներին աշխատել է Վաշինգտոնի ինստիտուտում, որը մասնագիտացած է Մերձավոր Արևելքի երկրների ուսումնասիրությամբ։ 2012-2015 թվականներին եղել է Իրանում Ֆրանսիայի դեսպանատան երկրորդ խորհրդականն, ուսումնասիրել է միջուկային ոլորտը և Իրանի տարածաշրջանային քաղաքականությունը։ Մինչ այդ նա աշխատել է Փարիզում Ֆրանսիայի ԱԳՆ կենտրոնական գրասենյակում, որտեղ զբաղվել է ռազմաքաղաքական հարցերով՝ ՆԱՏՕ-ի և ԵՄ-ի գործողությունները Լիբիայում, Բալկաններում և Կովկասում։ 2010 թվականի երկրաշարժից հետո առաջին օգնության ծրագրի շրջանակներում նրան ուղարկել են Հայիթի։ Օլիվյե Դեկոտինին Լիոնի École Normale Supérieure-ի շրջանավարտ է և ունեն մագիստրոսի կոչում հանրային կապերի ոլորտում Sciences Po Paris-ում, պատմության մագիստրոսի կոչում Փարիզի սոցիալական գիտությունների առաջադեմ ուսումնասիրությունների դպրոցից և Սորբոնի համալսարանի պատմության բակալավրի կոչում:
Ավելի վաղ Հինգերորդ Հանրապետության արտաքին գործերի նախարար Քեթրին Կոլոննան հայտարարել էր, որ Փարիզը մոբիլիզացնելու է իր ուժերը հանուն հայկական հարցում արդարության և միջազգային իրավունքի հարգման։ «Ֆրանսիան աջակցում է Հայաստանի անկեղծ ջանքերին Ադրբեջանի հետ բանակցությունների միջոցով խաղաղության հասնելու համար՝ միաժամանակ պահպանելով Լեռնային Ղարաբաղում ապրող հայերի իրավունքներն», - ասել է Քոլոնան։ Ֆրանսիան աշխարհի միակ երկիրն է, որի խորհրդարանը ճանաչել է Արցախի անկախությունը։ Նախագահ Էմանուել Մակրոնի խոսքով, ինքն «ավելի շատ է ճնշում գործադրել և կշարունակի գործադրել Ալիևի վրա, քան նույնիսկ ինքը՝ ՀՀ վարչապետ Նիկոլ Փաշինյանը»։ «Խնդիրը Փաշինյանն է։ Արցախի հարցում ես միակն եմ, ով ունի հստակ դիրքորոշում ու ուղերձ»,– ասել է նա։
Նյութը հրապարակման պատրաստեց Կամո Խաչիկյանը
