ԱՄՆ-ը չի թաքցնում իր ծրագիրն. Արմեն Գրիգորյանը Վաշինգտոնում է
ՎԵՐԼՈՒԾՈՒԹՅՈՒՆՆԵՐ
Միացյալ Նահանգներն այլևս չի էլ թաքցնում, որ ցանկանում է Լեռնային Ղարաբաղը տեսնել Ադրբեջանի կազմում։ Հայաստանում ԱՄՆ դեսպան Քրիստինա Քվինի հայտարարությունները հենց դրան էին միտված հայ հանրությանը շատ պարզ և հասկանալի բացատրելու, ընդ որում գործող վարչախումբը բնավ էլ դեմ չէ այս սցենարին, փոխարենն որոշակի քաղաքական և տնտեսական դիվիդենտներ է ցանկանում ստանալ Միացյալ Նահանգներից։
Այս օրերին ԱՄՆ-ում է գտնում անվտանգության խորհրդի քարտուղար Արմեն Գրիգորյանն, ով դարձել է ամերիկյան շահերի էմիսարը և անձամբ է համակարգում բոլոր այս դավաճանական գործողությունները։ Գրիգորյանը նախօրեին Վաշինգտոնում հանդիպել է Ատլանտյան խորհրդի ուղեղային կենտրոնի փորձագետներին, նախկին դեսպանների և այլ անձանց հետ, քննարկել Հարավային Կովկասի և Հայաստանի անվտանգային միջավայրը, ներկայացրել է Հայաստանի դիրքորոշումներն, ապաշրջափակման Ստեփանակերտ-Բաքու երկխոսության միջազգային մեխանիզմի և Հայաստան-Ադրբեջան խաղաղության բանակցությունների վերաբերյալ։
Գրիգորյանը նաև հանդիպել է ԱՄՆ պետքարտուղարի եվրոպական և եվրասիական հարցերով տեղակալի պաշտոնակատար Դերեք Հոգանի հետ։ Ըստ պաշտոնական հաղորդագրության՝ քննարկվել են ՀՀ ԱՄՆ երկկողմ հարաբերությունների օրակարգը՝ ներառյալ տնտեսական համագործակցության հեռանկարները։
Թե ինչպիսի հեռանկարներ են, պաշտոնական Երևանը չի հայտնում։ Մեր աղբյուրների փոխանցմամբ՝ հայկական կողմն ԱՄՆ-ից ցանկանում է առնվազն երկու մոդուլային ատոմակայան ստանալ և տեղադրել Հայաստանում, փոխարենը դեմ չէ Արցախն Ադրբեջանի կազմում ներառելու ամերիկյան ծրագրերին։
Ավելին, ամերիկյան կողմը նույնիսկ պայման ունի մոդուլային ատոմակայանները Հայաստանում տեղադրելու դեպքում այն պաշտպանել ոչ թե Հայաստանի զինված ուժերի ներկայացուցիչների, այլ ամերիկյան ռազմական զորակազմի միջոցով։ Փաշինյանը մեծ ուրախությամբ պատրաստ է Հայաստանում ընդունել ամերիկյան փոքրաթիվ զորակազմ, ինչն այդ դեպքում հնարավորություն կտա նաև բարձրացնել Հայաստանից ռուսական 102-րդ ռազմաբազայի հանման հարցը։
Լիանա Սարիբեկյան
