Այս գիշերվա հարձակումն Արցախի վրա Ալիեւի սալյուտն էր Նիկոլ Փաշինյանի երեկվա ելույթին. Վահե Հովհաննիսյան
ՔԱՂԱՔԱԿԱՆՈՒԹՅՈՒՆՀայաստանը մի ձեռքով չգիտես ինչ է անում, մյուս ձեռքով բանակցում է, երրորդ ձեռքով հանձնում է 120 հազար հայությանը Ադրբեջանի քմահաճույքին: Այս մասին NEWS.am-ի հետ զրույցում նշեց «Այլընտրանքային նախագծեր խմբի» անդամ Վահե Հովհաննիսյանը:
«Եկեք լայն նայենք, կան միջնորդներ, որոնց բոլոր մոտ Հայաստանը ձեռք է բերել անվստահելի գործընկերոջ համբավ եւ այս համատեքստում ոչ մի բան պատահական չի լինում: Պատկերավոր ասած, գիշերվա հարձակումն Արցախի վրա Ալիեւի սալյուտն էր Նիկոլ Փաշինյանի երեկվա ելույթին, որովհետեւ այդ օրը Հայաստանի ԱԺ-ում հնչել են բոլոր անթույլատրելի մտքերը, գաղափարները, ստերը, կեղծ վարկածները: Քանի ժամ տեւել է, այդքան ժամ հնչել է կեղծիք, հնչել է զրոյից պատմություն գրելու ծիծաղելի փորձեր: Մենք դրա վրա կարող ենք ծիծաղել ներսում, իսկ դրսի խաղացողները դա ընդունում են ուղիղի առիթ, հնարավորություն ագրեսիվ ռազմական քայլերի կամ ագրեսիվ դիվանագիտության եւ իրենց ուզածին հասնելու համար: Հնարավոր չէ պաշտոնական Երեւանում անընդհատ հնչի՝ զիջում ենք, հանձնել ենք, վերջացած խաղ էր, ամեն տարի 20-30 տարի ռաջ էր զիջած, խաբել ենք, նման ձեւակերպումներ եւ քո թշնամին չօգտվի դրանից: Այլ հարց է, որ Հայաստանում դրա լրջությունը չեն ընդունում, բայց ամեն դեպքում դա պաշտոնական Երեւանից է հնչում եւ թշնամին շատ արագ օգտվում է»,-ընդգծեց նա:
