Հայաստանի իշխանությունները կանգնած են վտանգավոր ճանապարհի վրա, որը տանում է դեպի «վաղը 404»-ի
ՎԵՐԼՈՒԾՈՒԹՅՈՒՆՆԵՐ
Tsargrad.tv-ն գրում է, որ Հայաստանի ղեկավարությունը շարունակում է սիստեմատիկ կերպով գնալ Ղարաբաղը Ադրբեջանին հանձնելու ճանապարհով, որում շահագրգռված են նաև արեւմտյան երկրները։ Այն թե ինչի դա կարող է հանգեցնել պարզաբանել է քաղաքագետ Արման Ղուկասյանը:
Նա հիմնվելով վերջին իրադարձությունների վրա, եկել է այն եզրակացության, որ Հայաստանի և Ադրբեջանի իշխանությունները չեն ցանկանում հակամարտությունը լուծել Ռուսաստանի մոտեցումների հիման վրա։ Ուստի նրանք ավելի մոտ են Արևմուտքի հայեցակարգին, որը նախատեսում է Լեռնային Ղարաբաղի ճանաչումը Ադրբեջանի կազմում։ «Մինչ Ռուսաստանը հայտարարում է, որ քանի դեռ հայերը Արցախում են, ռուս խաղաղապահները ևս պետք է մնան այնտեղ, այսինքն Արցախի հարցը չի փակվում։ ՀՀ իշխանությունները երկիրը տանում են հակառուսական ճանապարհով»,- կարծիք է հայտնել Ղուկասյանը։
Փորձագետը վստահ է, որ Ռուսաստանին դուրս մղելու փորձերը, որով այդքան շահագրգռված է Արևմուտքը, հղի են Հարավային Կովկասի ապակայունացմամբ։ Ընդ որում եթե ռուսները հեռանան, ապա պետք չէ հույս ունենալ, որ մեկ ուրիշը կկարողանա օգնության հասնել հայերին։ Ռուսաստանը, ինչպես հիշեցրել է քաղաքագետը, հայերին օգնել է նաև 2020 թվականին, քանի որ հակառակ դեպքում Ադրբեջանը վաղուց կլիներ Ղարաբաղի ողջ տարածքում և լայնածավալ պատերազմ կսկսեր Հայաստանի դեմ։
«Ոչ ոք չի առաջարկել և ի վիճակի չէ Հայաստանի համար այլ անվտանգության համակարգեր առաջարկել... Ոչ ոք Հայաստանին ՆԱՏՕ չի հրավիրում»,- հիշեցրել է փորձագետը։
Եզրափակելով Արման Ղուկասյանը հավելել է, որ եթե Հայաստանի ղեկավարությունը հետևի արևմտյան ուժերի խորհուրդներին, ապա հանրապետությունը կարող է արժանանալ Մոլդովայի կամ Բալթյան երկրների ճակատագրին։ Իսկ նրանք, ինչպես նշել է վերլուծաբանը, իրենց արևմտամետ ճանապարհին ոչ մի ձեռքբերում չունեն։
Հայկական շատ ուժեր են այդ ամենը հասկանում են, ուստի նոր ընդդիմադիր շարժում է ստեղծվել։
Նյութը հրապարակման պատրաստեց Կամո Խաչիկյանը
