Արման Թաթոյանը կարող է առաջադրվել

Մինչ գործող իշխանությունները խորապես տվայտվում են Երևանի ավագանու ընտրություններում իրենց սպասվող բավականին լուրջ դիմադրության կապակցությամբ, հայտնի է դարձել, որ «Քաղաքացիական պայմանագրին» նոր մարտահրավեր է սպասվում։ Մեր աղբյուրների փոխանցմամբ՝ Մարդու իրավունքների նախկին պաշտպան Արման Թաթոյանն է զգալի ակտիվացրել իր գործունեությունը, հանդիպում, բանկցում է տարբեր շրջանակների հետ, մասնավորապես հանրային լայն հեղինակություն ունեցող մտավորականների, փորձագետների, քաղաքական շրջանակների, անհատների հետ։

Ըստ էության խոսքը Երևանի քաղաքապետի ընտրություններին մասնակցելու մասին է, և ինքը՝ Թաթոյանը, որը 44-օրյա պատերազմից հետո ամենաբարձր վարկանիշ ունեցող գործիչներից մեկն էր և կարողանում էր լրջորեն հակազդել փաշինյանական վարչախմբի ապօրինություններին, այժմ լրջորեն մտադիր է իր թեկնածությունն առաջադրել Երևանի քաղաքապետի ընտրություններում։

Վերջին օրերին բազմաթիվ հանդիպումներ է ունեցել և նույնիսկ արդեն մտադիր է համապատասխան ցուցակ ձևավորել, որը մաքսիմալ ապաքաղաքական տեսք կունենա, սակայն հանրության կողմից ընկալելի և դրական արձագանքի կարժանանա։ Հատկապես այս առումով Արման Թաթոյանի ջանքերը հաջող են ընթանում։ Սկզբունքորեն նրա հետ թիմով ընտրություններին մասնակցելու ցանկություն շատերն ունեն՝ հասկանալով, թե՛ Թաթոյանի վարկանիշը և թե՛ հանրության շրջանում նրա վարքաբեկված չլինելու հանգամանքը։

Այս տեղեկություններն արդեն իսկ հասել են փաշինայանական վարչախմբին, որտեղ հստակ հասկանում են, որ «Ապրելու երկրի» պես բավականին ծանր մրցակից ունենալու դեպքում Թաթոյանի առաջադրումն էլ խնդրահարույց կլինի իշխանության համար և գրեթե կբացառի Տիգրան Ավինյանի ընտրությունը Երևանի Քաղաքապետի պաշտոնում։

Գարիկ Բարխուդարյան