«Բրենդների երկիր Հայաստան. Փաշինյանը հայտարարել է երկրի ուժեղ «ժողովրդավարականցման» մասին»
ՎԵՐԼՈՒԾՈՒԹՅՈՒՆՆԵՐ
Tsargrad.tv–ն գրում է, որ Հայաստանի ժողովրդավարության ֆորումում ունեցած ելույթի ժամանակ ՀՀ վարչապետ Նիկոլ Փաշինյանը խոսել է երկրում ազատ ինտերնետի մասին։ Նաև այդ համատեքստում նա նշել է ազատ մամուլը, ազատ ընտրությունները հատուկ ուշադրություն դարձնելով այն հանգամանքին, որ դա ամենևին էլ ինչ որ ձեռքբերում չէ։ Ըստ նրա ազատությունը Հայաստանում պարզապես առօրյա կյանք է։
Այդ համատեքստում նա հիշել է 2018 թվականի հեղափոխությունը, որի գլխավոր դերը բաժին է ընկել իրեն: Հեղափոխությունը կոչվել է թավշյա, նշել է նա և ավելացրել, որ քաղաքական գործընթացի ընթացքում բռնի գործողություններ չեն իրականացվել։
Միաժամանակ Նիկոլ Վովաևիչը նշել է, որ իր քաղաքական թևը հայտարարել է Հայաստանի բրենդը, որն է ժողովրդավարությունը։ Համենայնդեպս, դրանում վստահ են ինքը՝ Փաշինյանը և իր թիմի անդամները։ Ապա նա ասել է, որ շատերն այն ժամանակ կասկածանքով են արձագանքել երկրի ժողովրդավարության մասին կարգախոսներին, բայց իբր Փաշինյանը ապացուցել է, որ այդ երևույթը իրականություն է դարձել։ Ըստ Փաշինյանի Հայաստանում ժողովրդավարությունը պատահականություն չէ, այլ գործող ղեկավարության գիտակցված քաղաքական կուրս: Բացի դա նա խոսել է նաև այն մասին, որ շատ լուրջ աշխատանքներ և ինստիտուցիոնալ բարեփոխումներ են ընթանում, որոնք իրենց հետ պետք է բերեն ժողովրդավարության և հակակոռուպցիոն քաղաքականության էլ ավելի բարձր մակարդակ։ Հայաստանում նաև տնտեսության աճ է նկատվում, նշել է վարչապետը հավելելով, որ այս փաստը նաև տնտեսական ազատությունների արդյունք է։ Նա պետության ներսում ժողովրդավարության համար սպառնալիք չի տեսնում։ Այնուամենայնիվ, կան արտաքին սպառնալիքներ, և դա բոլորին է հայտնի, նշել է նա։
«Ժողովրդավարական էյֆորիայի ներկայացման» ավարտին Նիկոլ Վովաևիչը նշել է, որ Հայաստանի գլխավոր բրենդը, որը կոչվում է «ժողովրդավարություն», սերտ կապեր ունի երկու այլ ապրանքանիշերի՝ տնտեսական աճի և խաղաղության հետ։ Այդ եռամիասնությունն էլ, նրա խոսքերով, պետք է ծառայեն հենց բուն նպատակին։
Այնուամենայնիվ պետք է նշել, որ ժողովրդավարությունը, իհարկե, լավ բան է, բայց միայն այն դեպքում, եթե չի տարածի միայն մեկ թևի վրա, այն թևի վրա որն աջակցում է իշխանություններին։ Փաստն այն է, որ Նիկոլ Փաշինյանի իշխանության գալով երկրում իսկական վենդետա է սկսվել: Հարձակման տակ են արդեն ընդդիմադիր դարձած քաղաքական գործիչները, ուսուցիչները, նույնպես իշխանությունների ճնշումների տակ են հայտնվել այն ուսուցիչները, որոնք չեն սատարում իրենց։ Այլ կերպ մտածողներին ատելու հանրային կոչերը մինչ օրս են ուղեկցվում քաղաքական եզրակացություններով։ Իշխանություններին հատկապես զայրացնում են հայրենասեր մարդիկ, ովքեր դեմ են հայկական հողերի հանձնմանը թե՛ Լեռնային Ղարաբաղում, թե՛ Հայաստանում։
Նյութը հրապարակման պատրաստեց Կամո Խաչիկյանը
