Աշխատավարձ, թոշակ բարձրացնելու համար պարտք չենք վերցնում. վարչապետ
ՎԻԴԵՈԿառավարությունը գոհ կլինի, եթե մինչև 2026 թվականը պետական պարտքի ցուցանիշը ՀՆԱ-ի նկատմամբ 60 տոկոսից ցածր լինի, ԱԺ-ում 2022 թվականի պետական բյուջեի տարեկան հաշվետվության նախնական քննարկումներում ասաց վարչապետ Նիկոլ Փաշինյանը:
«Ըստ էության, այս ցուցանիշը մենք իրականացրել ենք առաջանցիկ, որովհետև 2022 թվականի արդյունքներով` պարտք-ՀՆԱ ցուցանիշը կամզում է 46.7 տոկոս: 2017-ին այդ ցուցանիշը եղել է 58.9 տոկոս: Ես ուզում եմ արձանագրել հետևյալը, որ պատքի գնահատման առոմով, այո՛, նոմինալ պարտքը մեծացել է, ընդ որում, մեծացել է նաև հասկանալի պատճառներով, որովհետև վարկային ծրագրեր ունենք, նաև քովիդի կառավարումն է շատ մեծ ռեսուրսներ տարել ՀՀ-ից ու արտաքին պարտքն այդ ժամանակ նույնպես մեծացել է», - ասաց Նիկոլ Փաշինյանը:
Նա նշեց, թե կառավարությունը պարտքը ծախսում է միայն կապիտալ նպատակներով. ընթացիկ ծախսեր իրականացնելու համար պարտք չեն վերցնում, աշխատավարձ, թոշակ բարձրացնելու համար պարտք չեն վերցնում:
