Արցախում ներքաղաքական իրավիճակը գնալով սրվում է

Արցախում ներքաղաքական իրավիճակը գնալով սրվում է, իսկ Արցախի գործող իշխանությունների սկզբունքային մոտեցումները որևէ մեկը չի կարողանում հասկանալ։ Արցախի մեր իշխանական աղբյուրների փոխանցմամբ՝ նույնիսկ Արայիկ Հարույթունյանի աշխատակազմում չեն հասկանում, թե ինչով է զբաղված նա և ներքաղաքական սրվող պայքարում ու՞մ կողմից է՝ Ռուբեն Վարդանյանի, որը տևական ժամանակ ապացուցել է իր հայրենասիրությունը և այժմ էլ լայն ճակատ է ստեղծել Արցախի փրկության համար, թե Նիկոլ Փաշինյանի կողմից Արցախ գործուղղված Սամվել Բաբայանի, ով շանտաժով փորձում է իր ձեռքը գցել Արցախի պետնախարարի պաշտոնը, նաև վերցնել բոլոր ուժային մարմինները, ինչից հետո իսկական տերոր սկսելու արցախի կարող ուժերի դեմ։

Տարակուսելին այս ամենում Արցախի Ազգային ժողովի նախագահ Արթուր Թովմասյանի վարքն է։ Վերջինս, որ տևական ժամանակ փորձում էր խաղաղության «աղավնու» դերում հանդես գալ, օրեր առաջ մի տարօրինակ հայտարարություն է արել Արայիկ Հարությունյանին կոչ անելով վերականգնել պաշտպանության կոմիտեն, իսկ դրա չհաջողելու դեպքում հրաժարական տալ և հանրաքվե անցկացնել։

Շատերն այս ելույթից հետո կարծում են, որ Թովմասյանը լիովին անցել է Սամվել Բաբայանի կողմը և փորձում են նրա միջոցով դուրս գալ Նիկոլ Փաշինյանի վրա, որպեսզի իշխանությունը Սամվել Բաբայանին փոխանցելուց հետո գոնե պահպանի Արցախի Ազգային ժողովի նախագահի իր պաշտոնն ու արտոնությունները։

Արայիկ Հարությունյանը մեր տեղեկություններով՝ դեռևս չի կողմնորոշվել, թե ինչպես է վարվելու, նրա նկատմամբ ճնշումը չափազանց բարձր է թե՛ Հայաստանի գործող վարչախմբի , թե՛ ադրբեջանի և թե՛ մյուս կողմից էլ Ռուսաստանի կողմից և Հարությունյանը, ըստ մեր տեղեկությունների, մտադիր է հանրաքվե հրավիրել, դնել իր վստահության հարցը, որից հետո պարզ կլինի՝ կկարողանա արդյոք շարունակել իր պաշտոնավարումը, թե ստիպված կլինի Սամվել Բաբայանին նշանակել պետնախարար։

Ամեն դեպքում նույնիսկ այս հեռանկարը չափազանց ծանր հետևանքներ է ունենալու։ Օրեր առաջ դեռ նախկին պետնախարար Ռուբեն Վարդանյանը զգուշացրել էր, որ Արցախում իշխանությունը չի կարող նույնիսկ մեկ օր ընկած լինել գետնին, դրանից օգտվելու է Ադրբեջանը։

Գևորգ Անտոնյան