Մհեր Խաչատրյան. «Եթե ես լինեի «ArmComedy»–ի Սերգեյ Սարգսյանը, առանց ակցենտի հայերեն կխոսեի»

Tert.am Life-ը շարունակում է հայտնիների հետ բլից հարցումներ անել: Այս անգամ հարցումը հումորային է: Մեր զրուցակիցն է «Դոմինո» սիթքոմի դերասան, «Բարի լույս»–ի հաղորդավար Մհեր Խաչատրյանը։

-Կարճ` Ձեր մասին:

-Նիհար մարդ։

-Ձեր  մականունը...

-Պոնչ։

 -Մանկության ամենավառ հուշը...

-Քարը, որից հետո սպի ունեմ։ 

-Երբ մեծացա, հասկացա...

-Որ մարդիկ մեծանում են։

-Սիրո ամենազավեշտալի խոստովանությունը...

-Չի եղել։

-Եթե չլիներ հումորը...

-Բոլորը քաղաքականություն կմտնեին։

-Արածդ ամենազիլ հումորը...

-Դեռ առջևում է։

-Արածդ ամենատափակ հումորը...

-Դպրոցում, ամեն օր: Օրինակ` դասական տափակ կատակ` դասատուի աթոռին կնոպկա դնել։

-Եթե ես լինեի նախագահ...

-Վերջապես կիմանայի`այլմոլորակայիններ կա՞ն, թե՞ չէ։

 Եթե ես լինեի «ArmComedy»–ի Սերգեյ Սարգսյանը...

-Առանց ակցենտի հայերեն կխոսեի։

 Նյութը՝ Մելինե Տոնոյանի