Տիգրան Ավինյանի «Նեմեսիսը». Փաշինյանից թռչելու ժամանակը

Երևանում «Նեմեսիս» գործողության մասնակիցների աղբյուր-հուշակոթողի բացումը բավական ուշագրավ և հետաքրքիր շերտեր է բացահայտում, հատկապես, որ դրան մասնակցել, ելույթ է ունեցել Երևանի քաղաքապետի թեկնածու, փոխքաղաքքապետ Տիգրան Ավինյանը։ Ի դեպ, արարողության մասնակիցներից շատերը Ավինյանի հասցեին դավաճան են գոռացել, սակայն Երևանի քաղաքապետի թեկնածուն բնավ էլ Ազգային ժողովի նախագահ Ալեն Սիմոնյանի պես իրեն չի դրսևորել, շատ ավելի հանգիստ է տարել։

Աղբյուր-հուշակոթողի բացման արարողությանը «Քաղաքացիական պայմանագիր» կուսակցության վարչության անդամի մասնակցությունը ակնհայտորեն հակասում էր գործող իշխանությունների պաշտոնական քաղաքականությանը՝ հաշվի առնելով, որ Թուրքիան և Ադրբեջանը չափազանց ծանր են տանում «Նեմեսիս» գործողության պատմությունը։

Բնավ էլ զարմանալի չէ, որ այդ երկու թշնամական երկրների արգործնախարարությունները համապատասխան հայտարարություն են արել, պաշտոնական Երևանին մեղադրել սադրիչ քայլերի մեջ։ Թուրքիայի ԱԳՆ հայտարարության մեջ օրինակ նշվում է, որ նման սադրիչ քայլերը, որոնք չեն համապատասխանում Թուրքիայի և Հայաստանի միջև հարաբերությունների կարգավորման գործընթացի ոգուն, ոչ մի կերպ չեն նպաստի տարածաշրջանում կայուն ու տևական խաղաղության և կայունության հաստատաման ջանքերին։

Թե՛ Ադրբեջանը և թե՛ Թուրքիան հատուկ ընդգծել են ՔՊ վարչության անդամի մասնակցությունը։ Նման քայլը վստահ ապացուցում է, որ Տիգրան Ավինյանն ինքն էլ հասկանում է, որ խնդիր ունի տարանջատվելու «Քաղաքացիական պայմանագրից» և Նիկոլ Փաշինյանից, որոնք իրենց պրոթուրքական քաղաքականությամբ լուրջ հարված են հասցնում երկրին։

Ընդհակառակը, Ավինյանն այժմ փորձում է ավելացնել իր վարկանիշը՝ գիտակցելով, որ իրեն այս պահի դրությամբ լավագույն դեպքում կարող է ստանալ միայն Нիկոլ Փաշինյանի ձայները, այն էլ ոչ ամբողջությամբ։ Շատ «նիկոլականներ» չեն վստահում Ավինյանին, համարում են, որ նա վտանգ է ներկայացնում «խեղճ Փաշինյանի» համար։ Մինչ Նիկոլ Փաշինյանն ուրանում է Հայոց ցեղասպանությունը, Ավինյանը գնում և մասնակցում է «Նեմեսիս» արձանի բացմանը։

Ի տարբերություն Ալեն Սիմոնյանի՝ դավաճան գոռացղներին չի վիրավորում, նրանց դեմքին չի թքում, առավել ևս կտրուկ ռեակցիաներ չի տալիս։ Նա նույնիսկ սեփական իմիջն է փոխել, սափրել է մորուքը ՝ ցույց տալու համար, թե գործող վարչախմբի ղեկավարի և ներկայացուցիչերի պես «փնթի» չէ։

Նրա այս իմիջային փոխակերպումները կարող են որոշակի դրական ազդեցություն ունենալ՝ հաշվի առնելով, որ այս պահին միայն Երևան քաղաքում փաշինյանական վարչախումբը լավագույն դեպքում 12-13 % ունի։

Ի դեպ, մեր աղբյուրների փոխանցմամբ, շատ ընդդիմադիրներ, որոնք մասնակցել են «Նեմեսիս» գործողության մասնակիցների աղբյուր-հուշակոթողի բացմանը, ասում էին, որ եթե Տիգրան Ավինյանի մասնակցության մասին, ընդհանրապես չէին գա, քանի որ դա մեծ անակնկալ է եղել իրենց համար, ինչը վկայում է, որ առնվազն այս մասով Երևանի քաղաքապետի ՔՊ-ական թեկանածուի փիառը հաջողված և անակնկալ է եղել։

Աննա Նադոյան