«Նրանք խորամանկում են ասելով, որ չեն պատրաստվում հեռանալ»
ՎԵՐԼՈՒԾՈՒԹՅՈՒՆՆԵՐ
Mirnov.ru-ն գրում է, որ անգամ այն ռուս աստղերը, ովքեր մնացել են Ռուսաստանում, փորձում են այլ պետությունների քաղաքացիություն ստանալ միաժամանակ վստահեցնելով, որ չեն պատրաստվում ոչ մի տեղ մեկնել։
Այդ դեպքում նրանց ինչի՞ն է պետք երկրորդ անձնագիրը։
Նշենք, որ շատ հայտնիներ օտարերկրյա քաղաքացիություն են ստացել դեռևս Հատուկ գործողությունից առաջ: Նրանք անշարժ գույք են ձեռք բերել արտասահմանում, և դրա հետ մեկտեղ կացության թույլտվություն կամ բնակության կարգավիճակ։ Այնուամենայնիվ, որոշ աստղեր սկսել են զուգահեռ քաղաքացիություն ձեռք բերել հենց հիմա։ Օրինակ Քսենիա Սոբչակը, նրա ամուսինը՝ Կոնստանտին Բոգոմոլովը և նույնիսկ Բոգոմոլովի նախկին կինը՝ Դարիա Մորոզը, անցյալ տարվա կեսերին միաձայն դարձան իսրայելցիներ։ Իսկ վերջերս Միխայիլ Գալուստյանն է պարծեցել Հայաստանի քաղաքացու բոլորովին նոր անձնագրով, որը հանրությանը կասկածելի է թվացել. իսկապես նա պատրաստվո՞ւմ է հեռանալ։ Եվ նա նկարահանվում է հայրենասիրական տեսահոլովակներում...
«Հանգստացեք: Ես սիրում եմ Ռուսաստանը և չեմ գնում այստեղից, ինչպես որոշ մարդիկ են կարծում: Ես այստեղ ունեմ շատ ընկերներ, աշխատանք, պայմանագրեր, երկրպագուներ ունեմ: Ռուսաստանը իմ հայրենիքն է, և վերջկետ»,- ասել է Գալուստյանը։
Շոումենը բացատրել է, որ Երևանում բնակարան գնելու համար իրեն հայկական անձնագիր է պետք, ուզում է տուն գնել մոր համար։ Իսկ ընդհանրապես, նա ազգությամբ հայ է և ուղղակի «լեգիտիմացրել» է իր ծագումը։
«Հայաստանում անշարժ գույք ձեռք բերելու համար պարտադիր չէ այս երկրի քաղաքացի դառնալ,- նշել է փաստաբան Քսենյա Կիսելևան,- Ռուսաստանի Դաշնության քաղաքացիները կարող են հեշտությամբ Երևանում կամ Հայաստանի ցանկացած այլ քաղաքում կամ բնակավայրում գնել բնակարան, տուն և հողատարածք (բացառությամբ գյուղատնտեսական նշանակության հողերի): Բայց այն իրավիճակում, որում մենք բոլորս այժմ ապրում ենք, հայկական անձնագիրն ինչ-որ չափով ընդլայնում է հորիզոնները, քանի որ այն տալիս է աշխարհի ավելի քան 60 երկրների առանց վիզայի մուտքի իրավունք։ Իսկ մի շարք երկրներում հայերին վիզա են տալիս ժամանելուն պես, այսինքն պարզեցված կարգով։ Հայաստանի քաղաքացիների համար այժմ շատ ավելի հեշտ է, քան ռուսների համար Շենգենյան վիզա կամ ԱՄՆ-ի վիզա ստանալը։ Եվ, իհարկե, նրանք կարող են հասնել այնպիսի վայրեր, որտեղ ռուսական անձնագրով մուտքն ամբողջությամբ փակ է քաղաքական դրդապատճառներով։
Էլ ավելի մեծ հնարավորություններ են նրանց համար, ովքեր ստացել են Իսրայելի քաղաքացիություն, քանի որ նրանք կարող են այցելել 159 երկիր առանց վիզայի։ Դրա համար էլ, կարծում եմ, հայտնիները փորձում են երկրորդ քաղաքացիություն ձեռք բերել։ Նրանք իսկապես չեն պատրաստվում հեռանալ Ռուսաստանից, բայց, այնուամենայնիվ, ցանկանում են ավելի ազատ տեղաշարժվել աշխարհով մեկ»։
«Կարծում եմ, որ այս բոլոր աստղերը խորամանկում են, երբ ասում են, որ չեն պատրաստվում հեռանալ Ռուսաստանից,- ասել է գրող և հոգեբան Յուլիա Շիլովան, -սուտ են ասում։ Ի վերջո, եթե մարդն այլ երկրի անձնագիր է ստանում, ապա ամենայն հավանականությամբ նա այդ երկիրը դիտարկում է որպես այլընտրանքային օդանավակայան։ Կարծում եմ շատերը կհեռանան։ Դա ընդամենը ժամանակի հարց է։ Այժմ նրանք պարզապես պետք է գումար վաստակեն: Արտերկրում ռուս աստղերը, ինչպես ցույց է տալիս պրակտիկան, չեն կարողանում շատ վաստակել։ Եվ հետո նրանք եկամուտ ունեն։ Բացի այդ, նրանք դեռ պետք է փակեն իրենց բիզնեսի մի մասը, զբաղվեն անշարժ գույքով։ Օրինակ վաճառեն այն։ Այսինքն նրանք պետք է դիմանան որոշակի ժամանակահատված։ Ուստի չեմ կարխում, որ այնքան այնքան լավն են ու հայրենասեր, որ չեն պատրաստվում ոչ մի տեղ գնալ»։
Նյութը հրապարակման պատրաստեց Կամո Խաչիկյանը
