Ադրբեջանը նոր պահանջներ է ներկայացնում Հայաստանին

ՄԱԿ-ի անվտանգության խորհրդի բաց քննարկմանը ելույթ է ունեցել Ադրբեջանի մշտական ներկայացուցիչ Յաշար Ալիևը և հայտարարել, թե Երևանը պետք է 8 պահանջ կատարի Ադրբեջանի հետ հարաբերությունները նորմալացնելու համար։

Նրա խոսքով, Հայաստանը պետք է ամբողջովին դուրս բերի իր զինված կազմավորումները Ադրբեջանի տարածքից, վերադարձնի Ադրբեջանի սահմանամերձ դեռևս օկուպացված 8 գյուղերը, դադարեցնի ու ձեռնպահ մնա տարածքային պահանջներից, անօրինական գործունեությունից և ապատեղեկատվությունից, դադարեցնի ականային ահաբեկչությունը, լույս սփռի մի քանի հազար ադրբեջանցիների վրա, ադրբեջանցիների ճակատագրի վրա, որոնք անհետացել են հակամարտության ընթացքում, փոխհատուցի Ադրբեջանին պատճառած վնասները և բարեխղճորեն բանակցություններ վարի պայմանագրի երկու պետությունների միջև սահմանների դելիմիտացիայի համար։

Կարելի էր «շնորհակալություն» հայտնել Ալիևին, որ նա միանգամից չուզեց Երևանն ու Զանգեզուրը, ինչպես դա հնում է Ադրբեջանի նախագահ Իլհամ Ալիևը, սակայն նույնիսկ այս պահանջներն ընթերցելիս հասկանում ենք, որ Հայաստանի Հանրապետությանը թուրք-ադրբեջանական տանդեմը դրել է անելանելի դրության մեջ և մինչև վերջ փորձում է քամել առավելագույնը։

Այն, որ ազգային իշխանությունների պարագայում վստահաբար կարելի էր նշել, որ Ադրբեջանի այս պահանջների առնվազն մեծ մասը նույնիսկ 44-օրյա պատերազմում կրած պարտությունից հետո հայկական կողմը չի կատարելու, սակայն Նիկոլ Փաշինյանի իշխանության վրա որևէ վստահություն չկա, ավելին հանրության մեծ մասը հավատում է, որ Փաշինյանն ինքն էլ դեմ չի կատարել բոլոր այս պահանջները, միայն թե կարողանա շարունակել պաշտոնավարել, ապահովել իր և իր ընտանիքի մտերիմների բարեկեցությունը Հայաստանի Հանրապետության շահերի հաշվին։

Ըստ էության, Ադրբեջանը նոր բան չի ասում, այդ թվում նաև փոխհատուցումների, անկլավային գյուղերի վերադարձի և այլնի վերաբերյալ։ Փաստն այն է, որ այս մասին Ադրբեջանն ասել է ՄԱԿ-ի անվտանգության խորհրդի քննարկմանը, որտեղ նախագահում էր Ռուսաստանը, ընդ որում Ադրբեջանը ակնհայտորեն շտապում է և փորձում առավելագույնը պոկել գոնե մինչև միջազգային հանրության լուրջ ճնշումը։ Որ Հայաստանի Հանրապետությանը արդեն 2,5 տարի կորցրել է իր պաշտպանունականությունը, այլևս որևէ մեկի մոտ կասկած չի հարուցում։

Սոնա Գալստյան