Ադրբեջանի դրոշը այրելը Փաշինյանը ծանր է տանում. վերաբացելու են հին քրգործերը

Երևանում ավարտված Եվրոպայի Ծանրամարտի առաջնության բացման արարողության ժամանակ Ադրբեջանի դրոշի այրման դեպքը դեռևս հանդարտվելու միտումներ չունի։ Գործող իշխանությունները Նիկոլ Փաշինյանի գլխավորությամբ՝ մտադիր են ամեն կերպ պատժել Ադրբեջանի դրոշը այրած Արամ Նիկոլյանին։ Հատկապես Փաշինյանի իշխանությանը մտահոգել և ցնցել է այն հանգամանքը, որ անվտանգության բացառիկ միջոցառումների պայմաններում նույնիսկ իրենց սեփական հիմնարկում աշխատող մարդը կարողացել է այրել Ադրբեջանի դրոշը, մինչդեռ փաշինյանական իշխանությունն ամեն ինչ փորձում է անել Ադրբեջանի պատվիրակությանը ամենաբարձր մակարդակով Հայաստանում հյուրընկալելու և այդ հանգամանքը որպես սեփական խաղաղասիրության դրսևորում ներկայացնելու համար։

«Ադրբեջանի դրոշն այրելու և իբր միջազգային հարթակներում Հայաստանի համար խնդիրներ ստեղծելու հաջորդ իսկ օրվանից Արամ Նիկոլյանի մուտքը պետական կառույցներ արգելվել են»,- ազդարարում է Նիկոլ Փաշինյանի ընտանիքին պատկանող թերթը։ Նրան թույլ չեն տալիս մուտք գործել հանրային հեռուստաընկերության տարածք և ոստիկանության կողմից վերհսկվող մյուս պետական կառույցներ, այն պայմաններում, որ Նիկոլյանը հանրային հեռուստաընկերությունում աշխատում է 2012 թվականից։ Թեև նրան անվանապես որևէ տեղեկություն չեն հայտնել, շարունակում է նա պաշտոնավարել Հանրային հեռուստաընկերությունում , թե ոչ, սակայն մուտքը կոնկրետ արգելել են։

Ավելին, մեր տեղեկությունների համաձայն, գործող իշխանությունները մտադիր են թարմացնել Հայաստանում Եվրատեսիլի մրցանակաբաշխության անցկացման հետ կապված քրեական առնվազն 2-3 գործեր, որոնք կասեցված վիճակում էին։ Եվրատեսիլի արարողությունից հետո ստուգումներ են իրականացրել և պարզել, որ զգալի միջոցներ են յուրացվել։

Թեև այն ժամանակ որոշվել էր գործերին ընթացք չտալ, Փաշինյանն այժմ այնքան է զայրացած, դատախազությանը հանձնարարել է ամեն գնով պատժել Ադրբեջանի դրոշի այրման մեղավոր Արամ Նիկոլյանին, ավելին պնդել, թե նույնիսկ իր մերձավորները, ովքեր աշխատում են Հանրային հեռուստաընկերությունում և նրանց անունները ևս շրջանառվում այդ քրեական գործերով, նրանց ևս պատժել, քանի որ,ըստ Փաշինյանի և նրա աշխատակազմի ղեկավար Արայիկ Հարությունյանի, հենց այդ անձինք էլ մեղավոր են Մարզահամերգային համալիրում Ադրբեջանի դրոշը այրելու համար։

Աննա Նադոյան