Զատուլին. Հայաստանի իշխանությունը հանձնել է ժողովրդին Ղարաբաղում
ՎԵՐԼՈՒԾՈՒԹՅՈՒՆՆԵՐ
Svpressa.ru–ն գրում է, որ Ռուսաստանի Պետդումայի պատգամավոր Կոնստանտին Զատուլինը Ազգային լրատվական ծառայության հետ զրույցում խոսել է մոտ ապագայում հայերի համար հավանական և ողբերգական սցենարի մասին: Ադրբեջանը, ամենայն հավանականությամբ, կհրաժարվի Ղարաբաղում Ռուսաստանից խաղաղապահների գտնվելու ժամկետը երկարացնելուց։ Նրա խոսքով Բաքվին հայերի ջարդերի հավելյալ վկաներ պետք չեն։
Պետդումայի ԱՊՀ հարցերով հանձնաժողովի նախագահի առաջին տեղակալը նշել է, որ ռուս խաղաղապահները անհարմար են Ադրբեջանի համար, քանի որ Բաքվի իշխանությունները մտադիր են հայերին դուրս մղել իրենց պատմական տարածքներից։
Այս համատեքստում նա հիշեցրել է Ալիևի և Փաշինյանի օդիոզ հայտարարությունները, որոնք, չզիջելով միմյանց, սկսել են ուղղակիորեն խոսել «Ղարաբաղի Ադրբեջանին պատկանելու» մասին։ Զատուլինի խոսքով Փաշինյանը հայերին և հայերին պատկանող տարածքները հանձնել է Ադրբեջանին։
Բացի տեղահանումից, Ադրբեջանի իշխանությունները հաշվեհարդար կիրականացնեն հայերի նկատմամբ, նշել է Զատուլիլը հիշեցնելով, որ այդ դեպքում միջամտող գործոն կարող են դառնալ նաև ռուս խաղաղապահները։
Նա ասել է. «Հայաստանի իշխանությունը հանձնեց Ղարաբաղը, հանձնեց ժողովրդին Ղարաբաղում։ Նույնիսկ խորհրդային տարիներին այդ տարածքը ինքնավար միավոր էր Ադրբեջանի կազմում։ Հիմա, ինչպես գիտենք, Ադրբեջանը հրաժարվում է նրանից, ինչ նախկինում խոստացել էր, այն է ամենաբարձր ինքնավարությունը, այդ ամենից ոչինչ չի մնացել։ Լեռնային Ղարաբաղ անունը կկործանվի, Բաքուն արդեն հրաժարվում է այն այդպես անվանել։ Սա պատմության շարունակությունն է նոր ձևով, հայ ժողովրդի ողբերգությանը նոր ժամանակներում, նրա վտարումը պատմական հողերից»:
Նյութը հրապարակման պատրաստեց Կամո Խաչիկյանը
