Սամվել Ալեքսանյանը ՔՊ-ի թիրախում. Ո՞րն է պատճառը

Գործարար Սամվել Ալեքսանյանի ընտանիքին պատկանող ձեռնարկությունները վերջին շրջանում իրավապահների ակընդետ ուշադրության կենտրոնում են։ Շաբաթներ առաջ հարկային լուրջ խախտումներ էին հայտնաբերել «Ալեքս տեքստիլ» ընկերությունում, ապա և ստուգումներ իրականացրել «Աստղիկ» բժշկական կենտրոնում։

Պարզվել էր, «Աստիկ» ԲԿ-ում աշխատակիցներին արձակուրդ են ուղարկում, փողը փոխանցում, ապա պարտադրում առձեռն վերադարձնել հիվանդանոցին։ ԲԿ-ում ուսումնասիրություններ են իրականացնում Հակակոռուպցիոն կոմիտեն, Պետեկամուտների կոմիտեն, որոնք զգալի նյութեր են պատրաստել անհրաժեշտ պահին Սամվել Ալեքսանյանին պատժելու համար։ 2018թ. իշխանափոխությունից հետո Փաշինյան ընտանիի սրտի գործարարը դարձած Ալեքսանյանի մասով իշխանությունը լուրջ կասկածներ ունի, վստահ է, թե նա Երևանի ավագանու ընտրություններին ընդառաջ այլ նախասիրություններ ունի, քան Տիգրան Ավինյանն է։

Փոխքաղաքապետին ընտրություններում խոստացել են աջակցել թե՛ Ալեքսանյանը, թե՛ նախկին իշխանությունների այլ օդիոզ դեմքեր՝ Թոխմախի Մհերը, Գագիկ Բեգլարյանը։ Միակ մարդը, որ կտրականապես հրաժարվել է որևէ աջակցություն ցուցաբերել Ավինյանին, Ռուբեն Հայրապետյանն է։ Ու չնայած հավաստիացումներին, «Քաղպայմանագրում» կարծում են, որ «նախկինները» այլ թեկնածու ունեն, հանուն որի էլ կարող են «գցել» Ավինյանին ու ՔՊ-ին։

Ուստի պրոֆիլակտիկ նկատառումներով ճնշումներ են բանեցնում Սամվել Ալեքսանյանի ու այլոց նկատմամբ։ Ալեքսանյանից դժգոհ է նաև վարչապետի տիկինը։ Աննա Հակոբյանն ավելի մեծ վճարումներ էր ակնկալում իր հիմնադրամներ, քան Ալեքսանյանն այժմ փոխանցում է։ Նրան ուղիղ հասկացրել են, որ խնդիրներից խուսափելու տարբերակներից մեկն էլ «Իմ քայլը» հիմնադրամի նկատմամբ ավելի շռայլ լինելն է։

Նորայր Կարապետյան