Նիկոլյանի արարքն արդյունք է տվել

Երևանում Ծանրամարտի Եվրոպայի առաջնության բացման արարողության ժամանակ Արամ Նիկոլյանն այրեց Ադրբեջանի դրոշը: Նիկոլյանը ձերբակալվեց, հետո էլ հանցակազմի բացակայության պատճառով ազատ արձակվեց:

Դրանից հետո Արամ Նիկոլյանը լայվ ձևաչափով հայտնեց, որ իր արարքը թասիբով հայ տղմարդու արարք էր և դա վկայում է այն մասին, որ հայերը չեն հարմարվելու ինչ-որ իրավիճակի: 

Հայ հասրակությունը Նիկոլյանի արարքի վերաբերյալ տարբեր կարծիքներ ուներ: Մի մասը համարում էր, որ ադրբեջանցիները հյուր էին և պատշաճ չընդունեցինք, մի մասը մտավախություն է հայտնում, որ սահմանային իրավիճակի սրման հետևանք կունենա, մի մասն էլ կարծում է, որ արարքն իրոք տղամարդային էր, և Ադրբեջանի դրոշը ՀՀ-ում պետք է չծածանվի: Ինչ-որ տեղ առկա է նաև դիվանագիտական խնդիր՝ ասացին, որ ագրեսոր ազգ ենք և սպորտը քաղաքականացնում ենք:

Այն մարդիկ, ովքեր հիշեցնում էին, որ ադրբեջանցիները հյուր էին, պետք է նկատի ունենան, որ թշնամու դեպքում հյուրընկալության կանոններն այլ են: Երբեք հայ թագավորները թշնամուն բարեկամի պես չեն ընդունել և թշնամին մշտապես զգացել է, որ հայոց հողում է: 

Սահմանային լարում, իհարկե, հնարավոր է, բայց սա իշխանության վախկոտության քաղաքականությունից է՝ չխոսենք, որ գերիներին չտանջեն, որ չկրակեն, որ սահմանային լարվածություն չլինի և ինչքան խուսափում են, այդքան ավելի շատ են ճնշումների ենթարկվում: Սա վախկոտի հոգաբանություն է, որի մեջ 30 տարի ապրում էին ադրբեջանցիները: 

Արամ Նիկոլյանի արարքից հետո Ադրբեջանից մարզիկները վիրավորված հեռացան, հետ կանչվեցին: Սա լավագույն արդյունքն էր, որ կարող էր արձանագրել Նիկոլյանի արարքը: 
Դիվանագիտական հարցերով զաղվելու համար էլ Նիկոլյանը և ՀՀ քաղաքացիները վճարում են Արտաքին գործերի նախարարություն ունենալու համար:

Ադրբեջանն իր ագրեսիվ քաղաքականության, սպորտը քաղաքականացնելու, մշակութային վանդալիզմի համար դեռ որևէ անգամ չի պատժվել և պարսավանքի չի արժանացել:  Ի վերջո, մարզիկներին հետ կանչելու ադրբեջանցիների հայտարարության մեջ, ամենաշատը վիրավորվել էին, որ դրոշի այրումը տեղի էր ունեցել Նիկոլ Փաշինյանի ներկայությամբ: 

Փաշինյանն էլ սովորության համաձայն կարող է արդարանալ, որ ինքը տեղյակ չի եղել,  որ կապ չունի, թեև այս անգամ, իսկապես, ինքը մեղավոր չէր և եթե իմանար ամեն ինչ կաներ, որ դա տեղի չունենար:

Նիկոլյանի արարքն արդյունք է տվել՝ ադրբեջանցիները ՀՀ-ից հեռացան, իսկ իշխանության խնդրելու քաղաքականությունը դեռ միայն ավելի է ստիպում գահավիժել:

Աննա Ավետիսյան