Թուրքիան անձամբ է փորձում քայլ անել դիպի Իրան

«Հայաստանը տարբեր ճանապարհներով փորձեց զենք ուղարկել Ղարաբաղ, ցավոք, նորից լարվածություն առաջացավ»։ Այս մասին Haber Türk հեռուստաալիքին տված հարցազրույցում ասել է Թուրքիայի արտգործնախարար Մևլյութ Չավուշօղլուն՝ անդրադառնալով հայ-ադրբեջանական սահմանին ապրիլի 11-ին տեղի ունեցած փոխհրաձգությանը։ «Անհրաժեշտ է վերացնել այս լարվածությունը և, ստորագրելով համապարփակ խաղաղության պայմանագիրը, սկսել ճանապարհների վերականգնումն ու կառուցումը (նկատի ունի «Զանգեզուրի միջանցքը»- խմբ.): Սա բուն Հայաստանի օգտին է»։ 

Այսինքն կարելի է ենթադրել, որ թուրք-ադրբեջանական տանդեմն այս լարվածությունն ապահովում է, որ պարտադրի  «Խաղաղության պայմանագրի» շուտափույթ կնքում, որը ենթադրում է նաև «Զանգեզուրի միջանցքի» տրամադրում, որն ամեն կերպ փորձում է թաքցնել Հայաստանի իշխանությունը:

Այսպես կոչված խաղաղության պայմանգրի կնքման գործում շտապում են թշնամի պետությունները և Հայաստանի վարչապետը: Բնական է, որ Ադրբեջանը և Թուրքիան փորձում են շտապեցնել Փաշինյանին քանի դեռ ակտուլ է ռուս-ուկրանիական պատերազմը և Ռուսատանն իր ողջ ներուժը կենտրոնացրել է այդ հակամարտության վրա, առկա են պատժամիջոցների փաթեթներ և այլն: ՌԴ-ն և Իրանը դեմ են այդ պայմանգրի կնքմանը և երեկ Չավուշօղլուն դիվանագիտական քայլ արեց դեպի Իրան:

Թուրքիայի ԱԳ նախարարը կարևորել է Ադրբեջանից Իրանով Նախիջևան տանող ճանապարհ ունենալը. «Մենք սրան էլ ենք աջակցում, քանի որ ռիսկերից խուսափելու համար միշտ այլընտրանք է պետք»։

Այսիքն՝ փորձում է Իրանին համոզել, որ Հայաստանից ճնշման եղանակով կործազ միջանցքն օգուտ կբերի նաև Իրանին: Թուրքիան մտածում է, որ քանի դեռ Ռուսաստանի դիրքերը թուլացած են միջանցքի հարցին չխառնվելու դիմաց առաջարկելու բան կունենա, մնում է միայն Իրանը և քանի որ Իրանի և Ադրբեջանի հետ հարաբերություններն էականորեն լարված են, մնում է՝ Թուրքիան անձամբ է փորձում քայլ անել դիպի Իրան: 

Աննա Ավետիսյան