Ամերիկյան զգուշացում Մհեր Գրիգորյանին
ՎԵՐԼՈՒԾՈՒԹՅՈՒՆՆԵՐ
Փոխվարչապետ Մհեր Գրիգորյանն այս օրերին Միացյալ Նահանգներում է։ Բավական ուշագրավ հանդիպումներ է ունեցել, որոնցից հատկապես մեկն առանձնահատուկ է։
Նախօրեին փոխվարչապետը հանդիպելէ ԱՄՆ ֆինանասների նախարարի առաջին տեղակալ Ադեվալե Ադեյեմոյի հետ։ ԱՄՆ ֆինանսների նախարարության տարածած հաղորդագրության մեջ ասվում է, թե Ադեյեմոնեն և Գրիգորյանը քննարկել են Հայաստանի տնտեսական վերջին զարգացումները։ Ադեյեմոն հատկապես կարևորել է Միցյալ Նահանգների գլոբալ ջանքերը՝ կանխելու Ռուսաստանի դեմ ԱՄՆ պատժամիջոցների և արտահանման վերահսկողության շրջանցումը։
«Նա հավաստել է Միացյալ Նահանգների հանձնառությունը շարունակելու համագործակցույթունը Միացյալ նահանգների և Հայաստանի միջև»,- փոխանցում է ֆինանսների նախարարությունը։ Հատկապես վերջին շրջանում Արևմուտքը մի շարք նախազգուշացումներ է անում Հայաստանին հեռու մնալ Ռուսաստանին տնտեսապես օգնելուց և պատժամիջոցների շրջանցմանը աջակցելուց։
Առևտրի նախարարությունն էլ նախօրեին որոշել է արտահանման սահմանափակումներ մտցնել 28 ընկերությունների համար ռուսաստանյան, չինական, թուրքական ընկերությունների շարքում հայտնվել է նաև հայաստանյան մեկ ընկերություն, ավելի վաղ ևս մեկն էլ էր հայտնվել։
Մեր աղբյուրների փոխանցմամբ՝ ԱՄՆ-ից հատուկ զգուշացրել են, որ այսուհետ Ռուսաստանի դեմ պատժամիջոցների շրջանցմանն աջակցելու դեպքում Հայաստանը լրջագույն քաղաքական և տնտեսական խնդիրներ կունենա։ Չի բացառվում, որ ինքն էլ հայտնվի արևմտյան պատժամիջոցների տիրույթում։
Հայաստանի արտաքին քաղաքական վեկտորը փոխելու գործողություններին զուգահեռ թե՛ Արևմուտքը և թե՛ Ռուսաստանը ուժեղացնում են իրենց ճնշումը Հայաստանի վրա։ Եթե Ռուսաստանը փորձում է թույլ չտալ Հայաստանի հեռացումը իր ուղեծրից, ապա Միացյալ Նահանգները բոլոր ջանքերը գործադրում են փաշինայանական վարչախմբին դեպի Արևմուտք մղելու և Ռուսաստանից կտրելու համար, իսկ տնտեսական ճնշման լծակները թերևս առաջնային դեր են խաղում այս ամբողջ գործընթացում։
Ի դեպ, ուշագրավ է, որ հենց Մհեր Գրիգորյանին են տվել այդ նախազգուշացումը։ Արևմտյան շրջանակների համար Գրիգորյանը համարվում է Ռուսաստանի մարդ և հենց նրան են նախազգուշացրել, որ կարող է թե՛ անձամբ և թե՛ պաշտոնական մակարդակներով խնդիրների բախվել։
Միլենա Կիրակոսյան
