Արդյո՞ք չէր երևում Փաշինյանի ձեռքի մուրճը

Նիկոլ Փաշինյանը Վանաձորի մարզում էր, այցելեց նաև Եղեգնաձոր համայնքի Մալիշկա գյուղ, որտեղ էլ 47 ամյա մի կին անձրևանոց է նետեց վարչապետի ուղղությամբ:

Պարզվում է ՀՀ քննչական կոմիտեն այս դեպքի առնչությամբ քրեական վարույթ է նախաձեռնել: Ըստ Քննչական կոմիտեի՝ 47-այմա կինը, ՀՀ վարչապետի օրինական ծառայողական գործունեությանը միջամտելու նպատակով, փորձել է Նիկոլ Փաշինյանի նկատմամբ բռնություն գործադրել, այն է՝ իր մոտ գտնվող անձրևանոցը դիտավորությամբ նետել է ՀՀ վարչապետի ուղղությամբ։

Հետաքննության մարմնի կողմից անմիջականորեն ծագած հիմնավոր կասկածի առկայության հիմքով նշված անձը ձերբակալվել է և ներկայացվել վարույթն իրականացնող մարմնին: 

Դեպքի առթիվ ՀՀ քննչական կոմիտեի Վայոց ձորի մարզային քննչական վարչությունում ՀՀ քրեական օրենսգրքի 44-452-րդ հոդվածի 3-րդ մասի հատկանիշներով նախատեսվել է քրեական վարույթ։ Այն է՝ Պաշտոնատար անձի օրինական ծառայողական կամ քաղաքական գործունեությանը միջամտելը, որը պատժվում է սկսած տուգանքից, մինչև 10 տարի ազատազրկում, եթե իրականցվել է «զենքի կամ մարմնական վնասվածք պատճառելու համար նախապես պատրաստված կամ հարմարեցված առարկայի կամ միջոցի գործադրմամբ»: 

Բռնությունը և բռնության կոչն, իսկապես, դատապարտելի արարքներ են և դրանց դեմ հնարավոր է պայքարել միայն այն դեպքում, երբ սկսում ես սեփական անձից և օրենքի առաջ բոլորը հավասար են:

Նախ դիտարկենք այն, որ քաղաքացու արարքը պետք է դիտվեր քաղաքական գնահատականի շրջանակներում: Պետք է գիտակցել, որ նման դեպքեր լինում են նաև շատ ազդեցիկ երկրներում և շատ ազդեցիկ ղեկավարների հետ: Օրինակ՝ Մակրոնին ապտակել են, Թրամփին կոշիկով են հարվածել և այլն, բայց քաղաքացիների ձերբակալելու մասին անգամ լուր չկա:

ՀՀ օրենքն արգելում է բռնությունը և բռնության կոչը և այս դեպքում քրեական վարույթ է իրականացնում:

Սիրելի՛ Քննչական մարմին, երբ Նիկոլ Փաշինյանը բռնության կոչ էր անում՝ շրջափակել ԱԺ շենքը, դատարանների մուտքերն ու ելքերը: Բռության կոչ չէ՞ր արդյոք «եկել է ժողովրդի վրեժի ժամանակը» արտահայտությունը, 2021թ ողջ ընտրական գործընթացի ժամանակ արդյո՞ք չէր երևում Փաշինյանի ձեռքի մուրճը: 

Սրանք երկրում գործող երկակի ստանդարտների ապացույց են: Եվ ճիշտ էր Նիկոլ Փաշինյանը, երբ հարցնում էր՝ Հայաստանում կա՞ դատավոր, որ իմ ասածին կասի չէ: Ո՛չ, պարո՛ն Փաշինյան, չկա և Ձեր ու Ձեր թիմի անպատժելիությունը դրա լուռ վկան է:

Աննա Ավետիսյան