Ռելոկանտները Հայաստանում կյանքի մասին. «Հիմնականում ռուսներն աշխատում են ՏՏ և սպասարկման ոլորտներում»
ՎԵՐԼՈՒԾՈՒԹՅՈՒՆՆԵՐ
Kommersant.ru-ն գրում է, որ անցած տարի Ռուսաստանից Հայաստան է տեղափոխվել մոտ 110 հազար մարդ։ Այս տվյալներով կիսվել է երկրի էկոնոմիկայի նախարար Վահան Քերոբյանը։ Նրա խոսքով, 2022 թվականին ռուսներն այնտեղ գրանցել են 2,5 հազար իրավաբանական անձ և 4 հազար անհատ ձեռնարկատեր։ Նախարարը դրամական միջոցների լրացուցիչ ներհոսքը բանկային համակարգ գնահատել է 3 մլրդ դալլար։ Դա հնարավորություն է տվել ապահովել ՀՆԱ-ի ընդհանուր աճի մոտ մեկ քառորդը, նշել է Քերոբյանը։
«kommersant.ru»-ն զրուցել է անցյալ տարի Հայաստան տեղափոխված ռուսների հետ.
«Եթե խոսենք աշխատանքի մասին, նրանք բարմեններ են, մատուցողներ և այլն, քանի որ Հայաստանում բոլորը սահուն ռուսերեն են խոսում, ոչ ոք երբեք չի ասի. «Ինձ հետ միայն հայերեն խոսիր, ինչո՞ւ ես եկել այստեղ»։
«Առայժմ ես ոչ մի տեղ չեմ կարողացել աշխատանք գտնել, ես ուզում էի աշխատել աութսորսինգ ընկերությունում: Բնակարան գտնելն էլ է դժվար՝ թանկացել է։ Ես այստեղ ռուսների եմ տեսել, ովքեր աշխատում են սպասարկման ոլորտում, սուրճ են պատրաստում, օրինակ։ Ինչ-որ մեկը խանութ է բացել, ինչ-որ մեկն աշխատում է ՏՏ ոլորտում, հեռակա Yandex-ում կամ Tinkoff-ում։ Զանգել են աշխատանքի մասին՝ պետք է սոց քարտ պատրաստեմ։ Բնակարաններ դեռ կան, բայց դրանք այնպիսի են, ուր տրանսպորտ չի գնում»։
«Ռուսների մեծ մասն աշխատում է ՏՏ ոլորտում և ծառայություններում: Անձամբ ես աշխատում եմ որպես անհատ ձեռնարկատեր անշարժ գույքի ոլորտում: ԱՁ բացելն այստեղ մեկ օրվա հարց է՝ ոչ մի խնդիր: Ռուսաստանում ես անշարժ գույքի գործակալություն ունեի, այստեղ էլ եմ նույնն անում։ Եվ այսպես, ինչ որ մեկն աշխատում է դաջվածքի սրահում, վարսավիրանոցում, ինչ-որ մեկը զբաղվում է կենցաղային տեխնիկայի վերանորոգմամբ։ Ամեն մեկն այն, ինչ կարող է մտածել ու անել»:
2022 թվականի աշնանը Ռոսստատը հայտնել է, որ առաջին կիսամյակում Ռուսաստանը լքել է 419 հազար մարդ։ Ամենից հաճախ նրանք գնացել են ԱՊՀ երկրներ։ 2021 թվականին, ծառայության տվյալներով, Ռուսաստանի Դաշնությունը լքել է մոտ 200 հազար քաղաքացի։
Նյութը հրապարակման պատրաստեց Կամո Խաչիկյանը
