Արայիկ Հարությունյանը իր փախուստի ուղիներն է մշակում

Արցախում ռազմական դրության դեպքում նախագահ ընտրելու իրավունքը կվերապահվի Ազգային ժողովին։ Խորհրդարանը երեկ առաջին ընթերցմամբ միաձայն ընդունել է Սահմանադրության փոփոխության մասին նախագիծը, իսկ մեկ շաբաթ անց արդեն կարող է ընդունել երկրորդ ըմթերցմամբ։

 

Նախագահ Արայիկ Հարությունյանի նախաձեռնած փոփոխություններով նախագահի հրաժարականի, մահվան, լիազորությունների դադարեցման կամ նրան անվստահություն հայտնելու, պաշտոնանկ անելու դեպքում խորհրդարանը լուծարվում է, նախագահի և Ազգային ժողովի արտահերթ ընտություններ են անցկացվում գործող Սահմանադրությամբ, իսկ Արայիկ Հարությունյանն առաջարկել է փոփոխություն, որով հնարավոր կլինի խուսափել Ազգային ժողովի լուծարումից, այն կշարունակի գործել ու կկարողանան նախագահ ընտրել։

 

Թեև Արցախի նախագահականը հերքում է, թե Արայիկ Հարությունյանը չի պատրաստվում ժամանակից շուտ հրաժարական տալ և հեռանալ, բացառապես միայն մեկ դրույթի փոփոխության նախաձեռնումը որևէ մեկի մոտ կասկած չի հարուցում, Արցախի գործող նախագահն ամեն ինչ անում է պատասխանատվությունն իր ուսերից նետելու և Արցախից փախչելու համար, իսկ պատասխանատվությունը փորձում է բարդել մեկ ուրիշ Ազգային ժողովի և նրա կողմից հնարավոր ընտրվող նախագահի վրա։

 

Հարությունյանը, հիշեցնենք, ընտրվել էր Արցախի բնակիչների ձայների մեծամասնությամբ, իսկ նման սահմանադրության մեջ այլևս ոչ լեգիտիմ կդարձնի Արցախի իշխանություններին, եթե այսօր բնակչության, քաղաքացիների կողմից ընտրված լինելու հանգամանքը որոշակի կռվան է տալիս միջազգային ասպարեզում ներկայացնելու, որ Արցախի ժողովրդավարական պետություն է՝ ընտրված իշխանության մարմիններով, ապա Հարությունյանի արարքը չափազանց վտանգավոր հետևանքներ կարող է ունենալ բուն Արցախի համար։

 

Ինքը՝ Արայիկ Հարությունյանը, թերևս, այսքան բանը ըմբռնելով, շարունակում է իր վտանգավոր գործելաոճը՝ վտանգի ու սպառնալիքի տակ դնելով Արցախին և Արցախի բնակչությանը։ Նրա համար թերևս առանձնապես մեծ դժվարություն չի ներկայացնում հրաժարականից հետո Արցախից հեռանալը։ Տարիներ շարունակ պետական իշխանության և բիզնեսի մեջ լինելով՝ Հարությունյանը կարողացել է իրեն ապահովել և հանգիստ կարող է ապրել եվրոպական որևէ երկրում կամ Ռուսաստանում։ Իսկ արցախցիները շարունակելու են դեմ հանդիման մնալ թշնամու հետ։