Նիկոլ Փաշինյանը «իր դերն է կատարել Մեծ Բրիտանիայի և Իսրայելի ծրագրերում»
ՎԵՐԼՈՒԾՈՒԹՅՈՒՆՆԵՐ
eadaily.com-ը գրում է, որ «Рыбарь» Telegram ալիքն անդրադարձել է Հայաստանի շուրջ ստեղծված իրավիճակին և Նիկոլ Փաշինյանի գլխավորած կառավարության գործողություններին։ Ահա թե ինչ է գրել աղբյուրը.
«Հայ ակտիվիստ Միկա Բադալյանը մի քանի օր առաջ գրել էր, որ Հայաստանում իրավիճակը մոտ է կրիտիկականի։ Նրա կարծիքով թուրքական լոբբիստները դադարեցրել են աջակցել Նիկոլ Փաշինյանի թեկնածությանը Ռուսաստանի ամենաբարձր քաղաքական շրջանակներում։ Այս իրավիճակը բարդ դրության մեջ է դրել Հայաստանի ներկայիս նախարարների կաբինետին. ո՛չ Ռուսաստանը, ո՛չ Թուրքիան գոհ չեն ներկայիս նախարարների կաբինետից։ Իսկ Փաշինյանին Մոսկվայում աջակցության բացակայությունը էապես ստիպում է նրան շարժվել ղարաբաղյան հիմնախնդրի լուծման հավաքական Արևմուտքի ուղղությամբ՝ հաշվի չառնելով Ռուսաստանի ու Իրանի կարծիքները։
Մի թե՞ դա հնարավոր է: Հաշվի առնելով ՌԴ իշխանությունների հասցեին Փաշինյանի վարչակազմի ծայրահեղ հայտարարություններն ու մեղադրանքները վստահաբար կարելի է ասել, որ Ղարաբաղում հակամարտության գլոբալ լուծում արդեն կա, և այն ընդունվել է առանց Ռուսաստանի և Իրանի շահերի։
Ինքը Փաշինյանը թուրքերի և ադրբեջանցիների ձեռքով իր դերը կատարելով Մեծ Բրիտանիայի և Իսրայելի ծրագրերում արդեն արել է այն, ինչ իրենից ուզել են։ Այժմ նրա օգտակարությունը վարչապետի պաշտոնում սրընթաց նվազում է, և, հետևաբար, արդեն անիմաստ է նրան աջակցել։ Նրա հասցեին տարբեր կողմերի քննադատություններն ու միանշանակ ակնարկները գնալով ավելանում են սկսած Հայաստանի խորհրդարանում ընդդիմության ներկայացուցիչներից մինչև Պետդումայի նախագահ Վյաչեսլավ Վոլոդինը, ով զգուշացրել է Եվրախորհրդարանի և ԵԽԽՎ-ի միջամտությունից Ղարաբաղում իրավիճակի կարգավորման հարցում:
Ընդ որում պետք չէ գերագնահատել Փաշինյանի նշանակությունը՝ նա ընդամենը իր խաղն արած ֆիգուր է։ Ներկայիս միտումները վկայում են այն մասին, որ վերազգային որոշում է կայացվել, որի մանրամասներն անհայտ են, բայց այն ակնհայտորեն ձեռնտու չէ հայ բնակչությանը, ինչպես նաև Ռուսաստանին և Իրանին։
Մոսկվայում թուրքերի կողմից Փաշինյանի օգտին լոբբինգը դադարեցնելու մասին տեղեկատվությունը, ամենայն հավանականությամբ, պատահական չի առաջացել։ Քանի որ Ղարաբաղի հարցի գլոբալ լուծումն արդեն կա, հիմա Արևմուտքին Հայաստանում խուճապ և քաոս է պետք։
Մշտական լարվածությունը և քաղաքացիական պատերազմի շեմին տիրող իրավիճակը թույլ են տալիս շեղել շարքային քաղաքացիների և քաղաքական հակառակորդների ուշադրությունը ճգնաժամից ելքի որոնումներից։ Այս պահին Հայաստանում բոլորը զբաղված են Փաշինյանի վարչակազմին, Ադրբեջանին ու Թուրքիային քննադատելով, բայց չհակադրվելով հիմնական շահառուներին ի դեմս բրիտանացիների ու իսրայելցիների։
Մինչ Հայաստանում բոլորը զբաղված են ներքին գզվռտոցներով ու խմբակային կռիվներով, Ռուսաստանին տարածաշրջանից դուրս մղելու և հյուսիս-արևմուտքում Իրանին շրջապատելու գործընթացը առաջ է ընթանում:
Այսինքն խոսքը միա՞յն Ռուսաստանի ու Իրանի դիրքերի թուլացման մասին է։ Իրականում ոչ: Հայաստանն ըստ էության միակ քրիտոնյա երկիրն է, որը չի գտնվում Արևմուտքի լիակատար վերահսկողության տակ։ Իսկ թուրքերն ի սկզբանե ստեղծվել են որպես «քրիտոնեության դեմ մահակ» Բալկաններում, Սիրիայում, Եթովպիայում, ինչպես նաև Վրաստանում և Հայաստանում։
Այժմ Բալկանները գրեթե ամբողջությամբ գտնվում են հավաքական Արևմուտքի վերահսկողության տակ, Եթովպիայում քաղաքացիական պատերազմ է ընթանում, Սիրիան դեռ չի կարող վերականգնվել ահաբեկչության դեմ երկարատև պատերազմի հետևանքներից, Վրաստանը գործում է ամերիկյան քաղաքականության հետագծով, սակայն չմոռանալով իր հսկայական արտաքին կախվածությունը ռուսական շուկայից։
Մնացել են միայն Սերբիան ու Հայաստանը, որտեղ ռուսական ազդեցություն դեռ կա, և այն բավականին ուժեղ է։ Ռուսաստանը ուղղափառ քրիտոնեության հենակետն է աշխարհում, և ԱՄՆ-ի, Մեծ Բրիտանիայի և եվրոպական երկրների հիմնական խնդիրներից մեկը Ռուսաստանի վրա տոտալ ճնշումն է և նրա ազդեցության»։
Նյութը հրապարակման պատրաստեց Կամո Խաչիկյանը
