«Դիմակը պոկված է. ընդդիմությունը պատասխանել է Փաշինյանի «բարի բարեկամ» Բաքվի մասին «միամիտ» հայտարարությանը»
ՎԵՐԼՈՒԾՈՒԹՅՈՒՆՆԵՐ
Tsargrad.tv–ն գրում է, որ Հայաստանի վարչապետը կարծում է, որ ներկայումս միայն Ադրբեջանն է խանգարում Թուրքիային խաղաղ հարաբերություններ հաստատել հայկական կողմի հետ, սակայն ընդդիմադիր Անդրանիկ Թևանյանը Նիկոլ Վովաևիչի դեմքից պոկել է միամիտ քաղաքական գործչի դիմակը:
Հայաստանի վարչապետ Նիկոլ Փաշինյանը հայտարարել է, որ Բաքուն ներկայումս հանդիսանում է Երևանի և Անկարայի միջև հարաբերությունների հաստատման գլխավոր խոչընդոտը։ «Իսկապե՞ս»,- այս խոսքերով է արձագանքել ընդդիմության գործիչ Անդրանիկ Թևանյանը։ Մեկնաբանելով այդ լուրը նա նշել է, որ փաստացի «խեղճ Թուրքիան» «պատանդ» է «չար Ադրբեջանի» ձեռքում։ Իսկ հակառակ դեպքում, իհարկե, նա խաղաղ հարաբերություններ կհաստատեր Երևանի հետ, ոչ առանց հեգնանքի նկատել է քաղաքական գործիչը։
Փաստորեն, Թևանյանը Նիկոլ Փաշինյանի համախոհների համար բացահայտել է ծանր ճշմարտությունը: Նա վստահեցրել է, որ Թուրքիայի կառավարությունը չունի այնպիսի խնդիր, որի շրջանակներում խաղաղություն կհաստատվի Հայաստանի և Թուրքիայի միջև։ Ընդհակառակը, գրել է նա, Թուրքիա-Ադրբեջան քաղաքական զույգը աշխատում է նույն նպատակի ուղղությամբ, որն է կլանել Հայաստանն ու Արցախը (Լեռնային Ղարաբաղը)։
Ավելին, Թևանյանը հիշեցրել է, որ այդ տանդեմը ոչ մի կերպ չի էլ փորձում թաքցնել իր ծրագրերը: «Ե՛վ Թուրքիայի նախագահ Ռեջեփ Թայիփ Էրդողանը, և՛ Բաքվի և Անկարայի այլ ներկայացուցիչներ հրապարակայնորեն հայտարարում են, որ Հայաստանի և Թուրքիայի միջև կապեր կարող են հաստատվել միայն այն բանից հետո, երբ հայկական կողմը կկատարի Բաքվի բոլոր պահանջները։ Ընդ որում այլ սցենարներ չեն դիտարկվում»,- նշել է նա։
Թուրքիան այս պահին տեսնում է, որ Փաշինյանը պատրաստ է անսահմանափակ զիջումների, նշել է Թևանյանը, և դրա համար էլ հիմա Բաքվի ձեռքով առաջ է մղում այսպես կոչված «Արևմտյան Ադրբեջանի» ծրագիրը։ Բացի դա Հայոց ցեղասպանության թեմայով Անկարան ևս նախապայմաններ ունի, բայց դրանք թողնված են որպես «դեսերտ»:
Թևանյանը տարակուսում է, մի՞թե Փաշինյանն ամեն ինչ անում է գիտակցված ու երբեմն իր կատարած հանցագործությունը թաքցնելու համար զարմանք է ձևացնում։
Նյութը հրապարակման պատրաստեց Կամո Խաչիկյանը
