Հայաստանում բացվել է նոր ճոպանուղի
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստանում բացվել է նոր՝ արդեն երրորդ, ճոպանուղին։ Այն նախատեսված է դահուկներով սահելու համար և համարվում է ամենաարագընթացը երկրում, հայտնել է MIR 24-ի թղթակից Արփի Մելիքյանը։
Ճոպանուղու երկարությունը մոտ երկու հազար մետր է։ Խցիկը շարժվում է վայրկյանում հինգ մետր արագությամբ։ Պլաստիկ դուռը, որը պաշտպանում է մարդկանց դեմքը ուժեղ քամուց կամ ձյունից, թույլ է տալիս հարմարավետորեն հասնել լեռան գագաթին։ Այն ավտոմատ կերպով է փակվում: Նոր ճոպանուղին ամենաարագընթացն է Հայաստանում: Մեկ ժամում այն կարող է սպասարկել մինչև երկուսուկես հազար ուղևորի։
«Դա մեծ խթան է դառնալու զբոսաշրջիկների համար։ Հուսով ենք, որ ողջ տարածաշրջանը կզարգանա դրանով: Շատ զբոսաշրջիկներ ենք սպասում հարևան երկրներից, այդ թվում Ռուսաստանից, բարեկամ երկրներից և ԱՊՀ-ից»,- ասել է գործարար Տիգրան Հարությունյանը։
Ճոպանուղին այցելուներին Ապարանի բազա է հասցնում երկու ճոպաններով։ Այդտեղ ընտանիքներով են գալիս դահուկներով և սնոուբորդով սահելու։ Բավական ձյուն է լինում, սեզոնը տևում է չորս ամիս։ Եթե տեղումները քիչ են, բազայի աշխատողները ձյան թնդանոթներ են օգտագործում:
«Մեկ բառ նկարագրելու համար՝ հրաշալի է: Ես և իմ ընտանիքը եղել ենք լեռնադահուկային շատ երկրներում՝ Ֆրանսիա, Իտալիա, Շվեյցարիա և այլն։ Կարող եմ ասել, որ այստեղ՝ Հայաստանում, առավելություններն ավելի շատ են։ Օրինակ՝ բարենպաստ եղանակը։ Այս պահին արև չկա, բայց նաև ցրտաշունչ քամի չկա, չնայած այն բանին, որ մենք գտնվում ենք 2400 մետր բարձրության վրա»,- ասել է լեռնադահուկային բազայի այցելու Բաբկեն Խանզադյանը։
Հաջորդ տարի նախատեսվում է լեռնադահուկային համալիրը վերածել հանգստավայրի։ Այստեղ կկառուցվեն հյուրանոցներ, սրճարաններ, ռեստորաններ եւ ևս մեկ ճոպանուղի` գոնդոլային։ Այն մարդկանց կտանի լեռան գագաթ: Նաև կստեղծվի ևս մեկ ուղի, մինչև երեք կիլոմետր երկարությամբ, դահուկների, սնոուբորդի և ֆրիրարռայդի համար:
Նյութը հրապարակման պատրաստեց Կամո Խաչիկյանը
