Բացահայտ սպառնալիք Ռուսաստանից. ԵՄ դիտորդների ներգրավումը լրջորեն մտահոգել է Մոսկվային
ՎԵՐԼՈՒԾՈՒԹՅՈՒՆՆԵՐ
Ռուսաստանն արդեն բացահայտ սպառնում է Հայաստանի գործող իշխանություններին՝ Եվրամիության դիտորդների առաքելություն Հայաստան ներգրավելու համար։
Հիշեցնենք, արդեն փետրվարի 20-ից մի քանի հարյուր Եվրամիության դիտորդներ են տեղակայվելու Ադրբեջանի հետ սահմանին։ Թեև խոսվում է, որ առաքելությունը քաղաքացիական է, սակայն Ռուսաստանի իշխանությունները բնավ չեն հավատում այդ հավաստիացումներին և լրջագույն սպառնալիքներ են տեսնում իրենց սեփական շահերին, ուստիև զարմանալի չէ վերջին շրջանում ռուսական կողմի չափազանց նյարդային և ցավոտ հայտարարությունները, ինչպես նաև Հայաստանի և Բրյուսելի և Վաշինգտոնի հասցեին արվող ոչ թե ակնարկները, այլ պարզ եզրակացությունները։
Երեկ էլ արդեն Ռուսաստանի խորհրդարանի ստորին պալատի՝ Պետդումայի նախագահ Վյաչեսլավ Վոլոդինը բացիեբաց սպառնալիք է հնչեցրել փաշինյանական վարչախմբի հասցեին։ Ընդունելով Ադրբեջանի Միլի մեջլիսի նախագահ Սահիբա Գաֆարովային, Վոլոդինը հայտարարել է, թե Եվրախորհրդարանի և ԵԽԽՎ-ի ներգրավումը ղարաբաղյան հակամարտության լուծման գործընթացում նոր խնդիրներ կստեղծի։ Այն գործիչները, որոնք հայտարարություններ են հնչեցնում եվրոպական կառույցների ուղղությամբ հեշտությամբ կարող են կորցնել երկիրը, ոչ ավելի, ոչ պակաս հայտարարել է Վոլոդինը և կոչ արել կատարել Ռուսաստանի, Ադրբեջանի և Հայաստանի ղեկավարների եռակողմ հայտարարությունների դրույթները։ «Այն մարդիկ, որ ցանկանում են եվրոպայի խորհրդի խորհրդարանական վեհաժողով ներգրավվել այս հարցում, Ուկրաինայի, Հարավսլավիայի, այլ երկրների օրինակից ելնելով պետք է տասն անգամ մտածեն և ծանրութեթև անեն, թե ինչով կարող է ավարտվել այս ամենը»,- ռուսաստանյան պաշտոնական լրատվամիջոցների փոխանցմամբ շեշտել է Վոլոդինը։
Նշենք, որ եվրամիության և ԱՄՆ-ի պաշտոնական ներկայացուցիչներն ու պաշտոնական ներկայացուցիչները ոչ պակաս կոշտ են տրամադրված և պարտադիր ուղարկվելու են քաղաքացիական նախաձեռնությունը, ավելին Ֆրանսիան հայտարարել է, որ իր կողմից առաքելությանը մասնակցելու են մի քանի ժանդարմներ։ Կիսառազմականացված ոստիկանության ներկայացուցիչների ներգրավումը այս դիտորդական առաքելությանը լրացուցիչ վտանգ է ներկայացնում Ռուսաստանի շահերին։ Թերևս Հայաստանի իշխանությունը լրջորեն մտահոգվելու տեղիք ունի, նա հստակ ծանրութեթև անելու, թե ինչով կարող է ավարտվել այս ամենը թե՛ Հայաստանի, և թե՛ Արցախի համար։
Գոհար Մինասյան
