Թուրքիայի հետ հարաբերությունները բարելավելու համար ամեն անգամ ստորանալը չի բերելու դրա կարգավորմանը

Երեկվանից համացանցը լի է Սիրիայում և Թուրքիայում տեղի ունեցող երկրաշարժի  տեսանյութերով, հոդվածներով, պաշտոնական ցավակցական գրություններով, մարդասիրական և փրկարարական օգնության պատրաստակամություն հայտնող գորություններով:  

Ի զարմանս բոլորի, Թուրքիային օգնություն է առաջարկել ինչպես ԱԳ նախարարությունը, այնպես էլ անձամբ Նիկոլ Փաշինյանը: Մարդասիրական օգնություն Թուրքիային, որն այս պահին ծայրահեղ անհրաժեշտ է Արցախին, որը գազամատակարարման և էլեկտրաէներգիայի «վահանակը ձեռքին» անջատում և միացնում է Թուրքիայի կրտսեր եղբայր Իլհամը Ալիևը:

Հայ-թուրքական հարաբերությունների կարգավորումը միակողմանի զիջումների և առերևույթ խնդիրները չտեսնելը նման է մի շարքային ընտանիքի մոդելի, որտեղ կինը միշտ զիջում, հանդուրժում և մտածում է, այս կամ այն արարքը վերջինն է, եթե հիմա էլ լռի, հարևաններից թաքցնի մարմնի կապտուկները, հաջորդը չի լինի, բայց հաջորդ բռությունն ավելի է սաստկանում և այդպես շարունակ ու ոչինչ չի փոխվում, մինչև քաջություն չի ունենում քայլ անելու: 

Իսկ ի՞նչ պատասխանեց Էրդողանը: Նույնիսկ մեկ ժամ չանցած հայտարարեց, որ ընդունում է Ռուսաստանի Դաշնության տրամադրած օգնությունը, իսկ ՀՀ ԱԳՆ-ին և վարչապետին նույնիսկ չպատասխանեց: Սա ավելի սաստիկ հարվածն է: Այդ դեպքում է որտե՞ղ է ՀՀ-ի քայլը:

Չի անելու, պատրաստ չէ: Ճիշտ այնպես, ինչպես ամեն օր էլ ավելի սատիկ  ստորացումների արժանացող կինը: Դա փոխելու այդ քայլն անելու համար, կինը պիտի ուղղի մեջքը, դուրս գա զոհի կերպարից, առնվազն աշխատանք գտնի և այլն:

Պետությունն էլ հիշի արժանապատվության մասին և երբեք բանակցությունների առարկա չդարձնի այն, Թուրքիայի հետ հարաբերությունները բարելավվելու համար ամեն անգամ ստորանալը չի բերելու դրա կարգավորմանը:

Առևտրային ուղու բացումը կարո՞ղ է համեմատվել այն ստորացման հետ, որ հային իր երկրից գործուղեն թուրք փրկելու: Այն ԱԻՆ աշխատակցին, ում ընկերներից շատերը 44 օրյա պատերազմում զոհվել են իրենց աչքի առաջ, որոշները որդի,  հայր ու եղբայր են կորցրել: Օրինակ՝ ընտանիքում հաճախ խնդրի լուծման համար ազատվում են արբեցող կամ խաղամոլ տղամարդուց, իսկ պետության դեպքում՝ իշխանությունից:

 Երբ Փաշինյանն  Էրդողանին առաջարկում էր փրկարարական օգնություն մոտ 5000 զոհերից և 10 000 գերազանցող վիրավորներից ո՞ւմ հարազատին էր պատրաստվում ուղարկել թուրք փրկելու: 

Աննա Ավետիսյան