«Հավաքեք ձեր ունեցվածքը և ցտեսություն». ի՞նչ դժվարությունների են հանդիպում ռուսները Հայաստանում
ՎԵՐԼՈՒԾՈՒԹՅՈՒՆՆԵՐ
Sochi24.tv–ն գրում է, որ 24-ամյա Արտյոմը aif.ru-ի լրագրողների հետ կիսվել է Հայաստան տեղափոխվելու իր պատմությամբ: Տղան ապրում էր Կրասնոդարում, և հավաքել էր իր բոլոր չնչին խնայողությունները, մի քիչ էլ խնդրել ծնողներից ու ինքնաթիռով թռել Երևան։
«Դա եղել է 2,5 ամիս առաջ։ Հայաստանի տոմսի համար վճարել եմ 40 հազար, ինձ հետ եղել է ևս 50 հազար, դա այն ամենն էր, ինչ ծնողներս գտել էին «պահոցում»։ Երևի ավելի լավ կլիներ ավտոբուսով գնալ, բայց ես վախենում էի սահմանի հետ կապված դժվարություններից»,- պատմեել է երիտասարդը։ Հայաստանում աշխատատեղերը շատ չեն: Աշխատաշուկան ակնհայտորեն պատրաստ չէր արտասահմանից աշխատուժի նման հոսքին։ Արտյոմը լրագրողների հետ շփվելու պահին նոր բնակավայրում աշխատանք չէր գտել: Մյուս վերաբնակիչները ևս փորձում են հնարավորինս լավ դուրս գալ իրավիճակից: «Քաղաքը պատված է երկիր ժամանած Ռուսաստանի բնակիչների աշխատանք փնտրելու հայտարարություններով. «Դայակի համար տեղ եմ փնտրում, ռուսախոս», «Ռուսերեն եմ դասավանդում որպես մասնավոր դաստիարակ», «Նախապատրաստում եմ ռուսերեն ինստիտուտ ընդունվելու»: Հանրապետությունում զբաղվածության հետ կապված զգալի խնդիրներ կան, բայց դա ոչ բոլորը գիտեին»,- գրել են «AiF»-ի լրագրողները Zen-ում: Մինչդեռ երկրում թանկացել է բառացիորեն ամեն ինչ։
Բնակարանների վարձակալությունը զգալիորեն աճել է, քանի որ շատ ռուսներ աշխատում են հեռակա կարգով և պատրաստ են շատ ավելի մեծ գումար վճարել բնակարանի կամ հյուրանոցի համար: «Ինձ ուղղակի վռնդեցին բնակարանից, տանտիրուհին ասաց. «Ռուսները կրկնակի թանկ են վճարում, դու այդքան չունես, իրերդ հավաքիր ու ցտեսություն»,- դժգոհել է տեղի ուսանող Կարեն Աբգարյանը։
Թե ինչպես կզարգանան իրադարձությունները, ցույց կտա ժամանակը, իսկ մենք կհետևենք դրսի մեր հայրենակիցների ճակատագրերին։
Նյութը հրապարակման պատրաստեց Կամո Խաչիկյանը
