Մարկարով. Հայաստանը չի պատրաստվում դուրս գալ ՀԱՊԿ-ից
ՎԵՐԼՈՒԾՈՒԹՅՈՒՆՆԵՐ
Pravda.ru-ն գրում է, որ Հայաստանը հրաժարվել է ՀԱՊԿ զորավարժություններ անցկացնել իր տարածքում: Այդ մասին Երևանը տեղեկացրել է Միասնական շտաբին, և մամուլի ասուլիսի ժամանակ ասել է վարչապետ Նիկոլ Փաշինյանը։
ԱՊՀ երկրների ինստիտուտի հայաստանյան մասնաճյուղի տնօրեն Ալեքսանդր Մարկարովը խոսել է նման որոշման պատճառների և Հայաստանի ՀԱՊԿ-ից հնարավոր դուրս գալու մասին։
«Եկեք չշփոթենք. ճանճերը առանձին՝ կոտլետները առանձին, այսինքն չկայացնելը, կամ վարչապետի հայտարարությունը, թե այս տարի Հայաստանում ՀԱՊԿ զորավարժություններ չեն կայանալու, և ինչ որ մեկի ցանկությունը Հայաստանը ՀԱՊԿ-ում չտեսնել: Ըստ առնվազն ներկայիս, չնայած այն որոշակի տարաձայնություններին, հակասություններին, որոնք առկա են ՀԱՊԿ-ի և Հայաստանի ղեկավարության հարաբերություններում, այս պահին կազմակերպությունից դուրս գալու մասին խոսք չկա, քանի որ այն Հայաստանի անվտանգի մի մասն է, ոչ այնքան լավ աշխատող, բայց հովանոց է, որը ունի Հայաստանը, այս պահին Հայաստանը նաև դեռևս ունի զինված ուժերի սեփական բաղադրիչ և ռուսական կողմի հետ կնքված երկկողմ հարաբերություններից բացի 102-րդ ռուսական ռազմաբազայի առկայություն ՀՀ տարածքում»,- նշել է վերլուծաբանը։
Նա նաև նշել է, որ չնայած դրան Փաշինյանը այսօր շրջանառել է այն միտքը, որ Ադրբեջանը շանտաժի է ենթարկում արևմտյան հանրությանը այն բանով, որ Հայաստանում առկա ռուսական ռազմաբազան իբր պոտենցիալ վտանգ է ներկայացնում Ադրբեջանի համար և, համապատասխանաբար, Ադրբեջանի այն գործողություններն ու ագրեսիան, որոնք, ըստ էության, իրականացվում են Հայաստանի նկատմամբ փորձ է զսպելու ռուս-հայկական համատեղ վտանգը Ադրբեջանի նկատմամբ: Բայց նման միտքը առնվազն տարօրինակ է թվում։ Մինչ օրս ադրբեջանական սպառնալիքը ոչ միայն իրական է, այլ նաև Բաքուն գրավել է Հայաստանի տարածքի մի մասը։ Այնուամենայնիվ Երևանի և ՀԱՊԿ-ի շրջանակներում դաշնակիցների փոխգործակցությունը մնում է արդիական: Միաժամանակ, ամենայն հավանականությամբ, ելնելով իրավիճակի որոշակի ըմբռնումից ՊՆ-ն առաջարկել է այս տարի համատեղ զորավարժություններ չանցկացնել Հայաստանի տարածքում, ամփոփել է Մարկարովը։
Նյութը հրապարակման պատրաստեց Կամո Խաչիկյանը
