Կուբանի ամենագեղեցիկ հայկական տաճարը. Ի՞նչն է ուշագրավ Հայ-Կոձորի եկեղեցում
ՎԵՐԼՈՒԾՈՒԹՅՈՒՆՆԵՐ
Krasnodarmedia.su-ն գրում է, որ հայկական եկեղեցիներն առանձնանում են ընդհանուր ֆոնի վրա՝ դրանք համատեղում են արևելյան շնորհն ու քրիստոնեական մինիմալիզմը։ Կրասնոդարի երկրամասում կառուցվել են բազմաթիվ նման կառույցներ, սակայն հայկական ամենագեղեցիկ տաճարներից մեկը Հայ-Կոձոր գյուղում գտնվող Սուրբ Գևորգի հսկայածավալ եկեղեցին է։ Այն մասին, թե ինչն է ուշագրավ այդ պաշտամունքային կառույցում գրվել է IA KrasnodarMedia-ի նյութում։
Կրասնոդարի երկրամասում կան Հայ առաքելական եկեղեցու մի քանի տաճարներ։ Դա զարմանալի չէ, քանի որ այդ հարավային տարածաշրջանում ապրում է հայ էթնոսի մոտ երեք հարյուր հազար ներկայացուցիչ, իսկ Ռուսաստանի հարավի թեմի կենտրոնը գտնվում է Կուբանի մայրաքաղաքում։ Հայկական եկեղեցիներ են կառուցվել Սոչիում, Նովոռոսիյսկում, Արմավիրում, Տուապսեում, Ադլերում և մի շարք այլ քաղաքներում։
Թերևս ամենագեղեցիկ տաճարը, ըստ բնակիչների, գտնվում է Անապայի մոտ գտնվող Հայ-Կոձոր գյուղում (որտեղ գտնվում է հայկական սփյուռքի ամենամեծ համայնքներից մեկը): Շինությունը տպավորում է իր չափսերով, նրբագեղ ձևերով և տաք քարով հարդարվածությամբ։ Վարդագույն տուֆի շնորհիվ ստեղծվում է տաճարային ողջ համալիրի առանձնահատուկ ներդաշնակության և միասնության զգացում։
Եկեղեցին հարակից տարածքների հետ միասին կազմում է տաճարային լայնածավալ համալիր, որին կից հիմնված են տոհմային ծառուղիներ։ Համալիրը գտնվում է բլրի վրա և, ինչպես ասվում են՝ «սավառնում» է շրջակա տարածության վերևում։ Տաճարի դիմացի մեծ հրապարակը սալարկված է քարե սալիկներով։ Տարածքում կան ուշագրավ քանդակագործական հորինվածքներ խաչքարերի փորագրված պատկերներով։ Յուրաքանչյուր հուշարձան ունի իր պատմությունը: Իսկ համալիրի պարագծի երկայնքով դարբնոցային պարիսպ է ստեղծված։ Բակում տեղադրված է կենտրոնական խաչքարը բերված 1992 թվականին Հայաստանի Հանրապետությունից։ Այն պատկերում է երկու փյունիկ թռչուն՝ կարծես խորհրդանշում է հայ և ռուս ժողովուրդների բարեկամությունը։ Ամեն տարի մայիսին այստեղ անցկացվում է Խաչքարի տոնը, որի շրջանակներում կազմակերպվում են լայնածավալ տոնախմբություններ։
«Սուրբ Գևորգ» անունը թարգմանվում է որպես Սուրբ Գեորգի, որը Ռուսաստանում հայտնի է Սուրբ Գեորգի հաղթական անունով։ Մեծ նահատակին հավասարապես հարգում են ինչպես Հայ Առաքելական Եկեղեցում, այնպես էլ Ռուս Ուղղափառ Եկեղեցում և այլ եկեղեցիներում։ Տաճարի հիմքը դրվել է 2009 թվականին։ Իսկ հինգ տարի առաջ՝ 2016 թվականին, տաճարը օծվել է Ռուսաստանի հարավի թեմի առաջնորդ Մովսես եպիսկոպոս Մովսեսյանի ձեռամբ։
Նյութը հրապարակման պատրաստեց Կամո Խաչիկյանը
