Հայ արտադրողները գրեթե մեկ երրորդով ավելացրել են տրիկոտաժի արտահանումը
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստանն այս տարի 30%-ով ավելացրել է տրիկոտաժի և տեքստիլ արտադրանքի մատակարարումը արտասահման, արտահանումը հիմնականում Ռուսաստան և Եվրոպա է։ MIR 24-ի թղթակից Լիանա Ազոյանն այցելել է երկրի առաջատար կարի արտադրամասերից մեկը։
Տողից տող, դետալից դետալ, բոլորը՝ ըստ ԳՕՍՏ-ի: Այս գործարանը ամսական արտադրում է ավելի քան 3000 հատ կոմբինեզոն։ Արտադրանքն արտահանվում է Ռուսաստան։
«Հումքը սկսած գործվածքներից, վերջացրած թելերով, ներկրում ենք հիմնականում Ռուսաստանից։ Իսկ արտադրական պրոցեսն ինքնին արդեն այստեղ է տեղի ունենում՝ էսքիզների ստեղծումից մինչև պատրաստի արտադրանքի փաթեթավորում»,- ասել է տեքստիլ գործարանի արտադրամասի ղեկավար Արփինե Նիկողոսյանը։
Ավտոմատ կտրող համալիրը օգնում է հաղթահարել մեծ ծավալներ, այն աշխատում է վայրկյանում 1500 շարժում արագությամբ: Խելացի փոխակրիչ համակարգը ապահովում է պատրաստի արտադրանքի տրվումը, կտրումը և բեռնաթափումը:
«Նախ արագ է, երկրորդը որակյալ, երրորդը խնայում է աշխատուժը։ Դիզայները սահմանում է ծրագիրը՝ նախշեր պետք է լինեն, մեքենան հաշվում է, թե քանի, ինչ ծավալի, ինչ չափի կտոր պետք է դնել»,- պարզաբանել է տեքստիլ կոմբինատի տեխնոլոգ Գալինա Թադևոսյանը։
Գործարանը արտադրում է ոչ միայն կոմբինեզոններ։ Տեսականին ներառում է հազարավոր տրիկոտաժներ՝ ներքնազգեստից մինչև զգեստներ և կարդիգաններ։ Արտադրանքը պահանջարկ ունի Եվրոպայի շուկաներում և Եվրասիական տնտեսական միության երկրներում։ «Մեզ համար առաջնային է արտահանման ուղղությունը, մեր արտադրանքը պահանջարկ ունի։ Մենք տարեկան ավելի քան 10000 ապրանք ենք մատակարարում տարբեր վայրեր: Եվ մենք նախատեսում ենք կրկնապատկել այդ ցուցանիշները»,- իր ծրագրերով է կիսվել տրիկոտաժի գործարանի հիմնադիր տնօրեն Արթուր Ֆրանգյանը։
Սակայն արտադրողները խոստովանում են, որ արտահանման ծավալների տեմպերը նվազեցնում են լոգիստիկայի խնդիրները։ Ձմռանը լեռնանցքները հաճախ փակվում են ձյան տեղումների և ձնահոսքի պատճառով, խցանումներ են գոյանում, ապրանքներով բեռնատարները պարապուրդի են մատնվում, և արտահանողներն ու կառավարությունը այլընտրանքային ուղիներ են փնտրում։
Նյութը հրապարակման պատրաստեց Կամո Խաչիկյանը
