«Իրանը դեմ է Կովկասում սահմանների փոփոխությանը»
ՎԵՐԼՈՒԾՈՒԹՅՈՒՆՆԵՐ
Rossaprimavera.ru-ն գրում է, որ Իրանի Իսլամական Հանրապետությունը չի ընդունի կովկասյան տարածաշրջանում իր սահմանների երկայնքով աշխարհաքաղաքական փոփոխությունները: Այդ մասին հայտարարել է իրանցի քաղաքական փորձագետ Սեյյեդ Ռեզա Սադր ալ-Հոսեյնին, հաղորդում է Mehr գործակալությունը։
Քաղաքագետն ասել է, որ Կովկասում անվտանգության հաստատումը հարևան երկրների մասնակցությամբ տարածաշրջանի կարևոր խնդիրներից է։ Նա նշել է, որ Կովկասի երկրները որոշակի կախվածություն ունեն Ռուսաստանից հասարակական անվտանգության ամրապնդման առումով։ Սադր ալ-Հոսեյնիի խոսքով, այնպիսի խոշոր հարևանները, ինչպիսիք են Ռուսաստանը և Իրանը, փոքր երկրների օգնությամբ կարող են որոշել կովկասյան տարածաշրջանում անվտանգության ապահովման ընդհանուր մեխանիզմը։ «Ցավոք, Կովկասի որոշ երկրներ ավելի քիչ ուշադրություն են դարձնում հարևանության խնդիրներին և անդրտարածաշրջանային երկրների օգնությամբ փորձում են սահմանել արտատարածաշրջանային կապեր»,- նշել է քաղաքագետը։
Նա բերել է Ադրբեջանի օրինակը, որը մերձենում է Թուրքիայի հետ ճնշում գործադրելով տարածաշրջանի որոշ երկրների, օրինակ Հայաստանի վրա։
Սադր ալ- Հոսեյնին, հղում անելով պատմական փորձին, կարծիք է հայտնել, որ տարածաշրջանի անվտանգության հարցը կարող է լուծվել երկխոսության միջոցով, արտտարածաշրջանային ուժերից օգնություն փնտրելը կառուցողական չէ:
Նյութը հրապարակման պատրաստեց Կամո Խաչիկյանը
