Նորին Սրբություն Պատրիարք Կիրիլը հանդիպել է Կովկասի մահմեդականների գրասենյակի նախագահ Շեյխ ուլ-Իսլամ Ալլահշուքյուր Փաշազադեի հետ
ՎԵՐԼՈՒԾՈՒԹՅՈՒՆՆԵՐ
Patriarchia.ru-ն գրում է, որ Մոսկվայի և Համայն Ռուսիո Ն.Ս.Օ.Տ.Տ. Կիրիլը հանդիպել է Շեյխ ուլ-Իսլամ Ալլահշուքյուր Փաշազադեի հետ Մոսկվայի Դանիլով վանքում գտնվող պատրիարքական և սինոդալ նստավայրում։
Հանդիպմանը մասնակցել է նաև Մոսկվայի պատրիարքարանի արտաքին եկեղեցական հարաբերությունների բաժնի փոխատենապետ Ֆիլարետ վարդապետը (Բուլեկով):
Ադրբեջանական կողմից մասնակցել է ՌԴ-ում Ադրբեջանի Հանրապետության արտակարգ և լիազոր դեսպան Փոլադ Բյուլբյուլ օղլին։
«Ցանկանում եմ սրտանց ողջունել ձեզ, սիրելի եղբայր,- հյուրին դիմել է Նորին Սրբություն Պատրիարք Կիրիլը, -Մենք պարբերաբար հանդիպում էինք։ Կարծում եմ, որ մենք պետք է շարունակենք այս հանդիպումները»։ Վեհափառի խոսքով, նման շփումները ստեղծում են շատ լավ մթնոլորտ, ինչպես նաև դրականորեն են ազդում միջպետական ոլորտում հարաբերությունների վրա և նպաստում «այն խնդիրների լուծմանը, որոնք, ցավոք, դեռևս լուծված չեն»։
Նշելով Ադրբեջանի, Հայաստանի և Ռուսաստանի հոգևոր առաջնորդների շփումների եռակողմ ձևաչափը, որը սկսվել է դեռ երեք տասնամյակ առաջ, Ռուս Ուղղափառ Եկեղեցու առաջնորդը նշել է, որ դա դրականորեն է ազդել իրավիճակի, պաշտոնական բանակցությունների մասնակիցների վրա, որպեսզի Աստծո ողորմությամբ արդյունքի հասնեն և իրավիճակը փոխվի դեպի լավը։
Կովկասի մահմեդականների գրասենյակի նախագահը Նորին Սրբություն Պատրիարք Կիրիլին է փոխանցել Ադրբեջանի նախագահ Իլհամ Ալիևի և ադրբեջանական ժողովրդի ողջույնները։ Զրույցի մասնակիցներն ընդգծել են Ադրբեջանի, Հայաստանի և Ռուսաստանի կրոնական առաջնորդների միջև երկխոսության առանձնահատուկ նշանակությունը Լեռնային Ղարաբաղում երկար տարիներ շարունակվող պատերազմից հետո խաղաղ կյանքի վերականգնման համար։
Հանդիպման ավարտին կողմերը փոխանակել են հուշանվերներ։
Նյութը հրապարակման պատրաստեց Կամո Խաչիկյանը
