Կեդմին խոսել է Ուկրաինայի զինված ուժերի համար Իսրայելի «հրաշք հրթիռների» որոգայթների մասին
ՎԵՐԼՈՒԾՈՒԹՅՈՒՆՆԵՐ
Osnmedia.ru-ն գրում է, որ քաղաքագետ Յակով Կեդմին հորդորել է Ուկրաինայի զինված ուժերին չուրախանալ Իսրայելի ազգային անվտանգության հարցերով խորհրդական Էյալ Խուլաթի այնհայտարարությունից, որ հնարավոր է Ուկրաինային մատակարարվեն հեռահար բալիստիկ հրթիռներ։ Ենթադրաբար խոսքը գնում է վերջերս մշակված մինչև 400 կիլոմետր հեռահարությամբ «Լորա» հրթիռների մասին։ Ռազմական փորձագետը խոսել է իսրայելական այդ «հրաշք հրթիռների» որոգայթների մասին։
Նա նշել է, որ Թել Ավիվը երբեք չի գնա ԱՄՆ-ի դեմ նման հարցում։ Ավելի վաղ Վաշինգտոնը հրաժարվել էր Կիևին հեռահար հրթիռներ մատակարարել։ Նաև նման որոշումը կարող է ընդմիշտ խաչ քաշել Մոսկվայի հետ Իսրայելի հարաբերությունների վրա, ուշադրություն է հրավիրել բանախոսը։
«Այսինքն ամերիկացիներն իրենց հեռահար հրթիռները չեն մատակարարում նույնիսկ արդեն իսկ մատակարարված HIMARS-ների ֆոնին, իսկ Իսրայելը կտարբերվի մնացածներից ու կմատակարարի։ Սա բացարձակապես անտրամաբանական է։ Իսրայելի ղեկավարության թե՛ նախկին, թե՛ ներկա բոլոր քննադատություններով հանդերձ, նման հիմարություն նրանց չի կարելի վերագրել»,- ասել է Կեդմին։
«Եթե նույնիսկ Ուկրաինայի Զինված ուժերը ստանան Լորաները, դա «կասկածելի ուրախություն է», - մանրամասնել է նա։ Ըստ վերլուծաբանի, նրանք, ովքեր գովաբանում են այդ հրթիռները, մոռանում են, որ դրանք չի օգտագործում անգամ իսրայելական բանակը։ Նշված երկրի պաշտպանության նախարարությունը որոշել է, որ դրանք «անգամ ձրի պետք չեն», պարզաբանել է քաղաքագետը։ Նա հիշեցրել է, որ Թել Ավիվը ժամանակին օգտագործել է «Լորա» Հայաստանի դեմ, որը պաշտպանված չէր հակահրթիռային պաշտպանությամբ:
Այսպիսով, ուկրաինական իշխանությունները ուրախ են հրթիռների հավանական մատակարարման համար, որից հրաժարվել է անգամ արտադրողը, հավելել է փորձագետը։ «Երկար ժամանակ նրանք չգիտեին, թե ում վրա ցխեն այդ հրթիռները: Միակ մեկը, ով վերջապես համաձայնեց, դա Ադրբեջանն էր։ Հիմա էլ, հավանաբար, մտածում են այդ չարաբաստիկ հրաշք զենքը Ուկրաինայի վրա ցխել։ Այստեղ ուրախանալու բան չկա, այստեղ պետք է ուղղակի լաց լինել», - ամփոփել է Կեդմին:
Նյութը հրապարակման պատրաստեց Կամո Խաչիկյանը
