Հայաստանի մարզերում վերանորոգվում են ջրամատակարարման ու կոյուղու գծերը
ՎԵՐԼՈՒԾՈՒԹՅՈՒՆՆԵՐ
Mir24.tv-ն գրում է, որ Հայաստանում իրականացվում է հիմնական ջրատարների և կոյուղու համակարգի փոխարինման լայնածավալ ծրագիր։ Այդ կառույցների հիմնական մասը կառուցվել է դեռևս 1960-ականներին, երբ բնակչությունն ավելի քիչ էր։ Աշխատանքների ընթացքի մասին տեղեկացել է МИР 24 հեռուստաալիքի թղթակից Իրինա Մկրտչյանը։
Գյումրու ծայրամասում գտնվող Կուլակավան բնակելի թաղամասը համարվում է հեղինակավոր տարածք։ Այստեղ տները ցածր են, ճարտարապետությունը՝ ավանդական, մոտակայքում կան կլինիկաներ, դպրոցներ։ Այդ տարածքը հայտնվել է 1988 թվականի երկրաշարժից հետո։ Միակ բացասականն այն է, որ ջուրը տրվում է օրական մի քանի ժամով։
«Երբ մենք տեղավորվեցինք, ստիպված էինք ջրամատակարարում-կոյուղին ինքնուրույն և մեր միջոցներով իրականացնել։ Ավելի քան 30 տարի ամեն ինչ վատացել է։ Չեմ էլ հավատում, որ ծրագրի իրականացումից հետո կունենանք շուրջօրյա ջրամատակարարում»,- ասել է գյումրեցի Ալիկ Թորոյանը։
Հայաստանի ջրամատակարարման և կոյուղու համակարգի վերականգնման ծրագիր է իրականացվում վեց մարզերում։ Ամենամեծը Գյումրիում է: Կենտրոնում թաղամասեր կան, որտեղ դեռ կոյուղի չկար, իսկ ջրի խողովակները կերամիկական էին, տեղացիները դրանք անվանում են «բրուտագործական»:
«Շիրակում մենք պետք է վերականգնենք 260 կիլոմետր ջրատար, որից 180-ն արդեն ավարտված է։ Ինչ վերաբերում է կոյուղու համակարգին, ապա աշխատանքները գրեթե ավարտված են»,- ասել է ջրամատակարարման և կոյուղու վերականգնման ծրագրի ղեկավար Սուրեն Մամաջանյանը։
Համակարգն այնքան է մաշվել, որ խողովակները պայթում են դեռ էքսկավատորի աշխատանքի փուլում։ Ժանգոտ երկաթյա խողովակները փոխարինվում են պլաստմասսե խողովակներով, որոնց երաշխիքային ժամկետը 80 տարի է։
«Այս մեծածավալ ծրագրի իրականացման համար պահանջվել է մոտ 30 միլիարդ դրամ, որը կազմում է ավելի քան չորս միլիարդ ռուբլի, Եվրոպական բանկերը միջոցներ են հատկացրել որպես վարկ և դրամաշնորհ, միջոցների մի մասը տրամադրվել է ՀՀ կառավարության կողմից որպես համաֆինանսավորում»,- ասել է Տարածաշրջանային զարգացման հիմնադրամի փոխտնօրեն Աշոտ Խաչատրյանը։
Կատարվում են ջրատարների և կոյուղու համակարգերի վերականգնման աշխատանքներ, որտեղ մաշվածությունը հասնում է մինչև 70 տոկոսի: Ղեկավարությունը որոշել է ձմեռային շրջանի համար կասեցնել խողովակների փոխարինումը, և վերսկսել աշխատանքը կայուն ջերմության հաստատմամբ:
Նյութը հրապարակման պատրաստեց Կամո Խաչիկյանը
