Ո՞ւմ հաշվին են վերականգնում հարաբերությունները Հունգարիայի հետ

Հայաստանն ու Հունգարիան վերականգնում են դիվանագիտական հարաբերությունները։ Պայմանավորվածությունները ձեռք է բերվել երեկ երկու երկրների արտգործնախարարների հանդիպմանը։ Արարատ Միրզոյանը և Պետերսի Յարտոն Լեհաստանում ԵԱՀԿ նախարարական համաժողովի շրջանակներում ունեցած հանդիպմանը մտադրություն է հայտնել նոր էջ բացել հայ-հունգարական հարաբերություններում հիմնված փոխադարձ վստահության և միջազգային իրավունքների նկատմամբ հարգանքի վրա,- ասվում է ՀՀ ԱԳՆ տարածած հաղորդագրության մեջ, ընդ որում Երևանն ու Բուդապեշտը ոչ ռեզիդենտ դեսպաններ կնշանակեն ՝ ուսումնասիրելու հարաբերությունների զարգացման հնարավորություննները՝ հատկապես առևտրի , մշակույթի, կրթության և զբոսաշրջության ոլորտներում։

Առաջիկա օրերին էլ կմեկնարկեն անհրաժեշտ դիվանագիտական և վարչական ընթացակարգերը։ Հիշեցնենք, որ Հայաստանի և Հունգարիայի միջև դիվանագիտական հարաբերությունները կասեցվել են 2012 թվականին Հայաստանի ազգային անվտանգության խորհրդի որոշմամբ։ 2004 թվականին Հունգարիայում հայ լեյտենանտ Գուրգեն Մարգարյանի սպանության համար դատապարտվել էր Ռամիլ Սաֆարովը, 2012 թվականին Հունգարիան առանց որևէ մեկի հետ խորհրդակցելու ՝ խախտելով միջազգային իրավունքի բոլոր դրույթները ադրբեջանական նավթի դիմաց Սաֆարովին հանձնել էր Բաքվին։

Դրանից հետո Հունգարիայի և Ադրբեջանի հարաբերությունները վերընթաց զարգացում էին ապրել, այսօր էլ Հունգարիան Եվրամիությունում Թուրքիայի հիմնական գործընկերներից մեկն է և առաջ է մղում Հայաստանին թշնամի պետությունների օրակարգերը, և առնվազն տարօրինակ է Հայաստանի գործող իշխանությունների որոշումը՝ վերականգնել դիվանագիտական հարաբերությունները Հունգարիայի հետ։

Ի դեպ, Հունգարիայի հետ հարաբերությունները խզելուն մոտ է Ուկրաինան, որը Արևմուտքի համար այսօր ռազմավարական լրջագույն կարևորություն է ներկայացնում։ Հունգարիան նաև քննադատությունների է արժանանալու Եվրամիության մյուս անդամների կողմից ՝ ռուս-ուկրաինական պատերազմում գրեթե Ռուսաստանի կողմն անցնելու համար։

Այս պայմաններում բարդ է ասել՝ ո՞վ է Հայաստանի գործող իշխանություններին ստիպել վերականգնել հարաբերությունները Հունգարիայի հետ Թուրքիա՞ն , թե՝ Ռուսաստանը։ Ամեն դեպքում հարաբերությունների վերականգնման նման գործընթացը վկայում է փաշինյանական իշխանության անարժանապատիվ կեցվածքի և սեփական հանրության նկատմամբ հարգանքի բացակայության մասին:

Նանե Իսկանդարյան