Փորձագետը գնահատել է ՀԱՊԿ–ը համաշխարհային մակարդակի հասցնելու մտադրությունները
ՎԵՐԼՈՒԾՈՒԹՅՈՒՆՆԵՐ
Mk.ru–ն գրում է, որ Երևանում տեղի է ունեցել ՀԱՊԿ գագաթնաժողովը: Այս տարի կազմակերպությունը կդառնա 30 տարեկան, և այս ընթացքում կուտակվել են բազմաթիվ խնդիրներ և պահանջներ. Տաջիկստանը և Ղրղզստանը պերմանենտ հակամարտության մեջ են, Հաայաստանը դժգոհ էԱդրբեջանի հետ պատերազմում դաշնակիցների օգնությունից, Ռուսաստանը միասնության կոչ է անում Ուկրաինայի դեմ:
Իր գոյության ընթացքում ՀԱՊԿ-ն իրեն ցույց է տվել միայն մեկ անգամ, բայց շատ արդյունավետ։ Ղազախստանում հունվարյան բողոքի ցույցերի ժամանակ բոլոր անդամ երկրների խաղաղապահները հսկում էին օդանավակայանները, կառավարական և ռազմավարական շենքերը և հեռուստաաշտարակները, և դա փրկեց հանրապետությունը լիակատար կործանումից։ Ինչ վերաբերում է ՀԱՊԿ–ի մյուս խնդիրներին, ապա դրանք ավելի դժվար լուծելի են։
Mk.ru–ն դաշինքի ապագայի մասին զրուցել է բելառուս քաղաքագետ Ալեքսեյ Դզերմանտի հետ:
-Ղազախստանում մենք տեսանք, որ կազմակերպությունն ունակ է և կարող է արագ արձագանքել սպառնալիքին։ Այլ բան, որ կան երկարաժամկետ տարածքային հակամարտություններ՝ հայ-ադրբեջանական և ղրղզ-տաջիկական, որոնք բացասական երանգ են հաղորդում դաշինքի գործունեությանը: Բայց դրանք ևս կարող են լուծվել։ Ամեն դեպքում, կարելի է խոսել Տաջիկստանի և Ղրղզստանի սահմանի հետ կապված արբիտրաժ անցկացնելու մասին։ Դա հնարավոր է, և դրան կարող է նպաստել ՀԱՊԿ-ը։
Ինչ վերաբերում է հայ-ադրբեջանական հակամարտությանը, ապա այն ավելի ու ավելի բարդ է։ Խնդիրը ոչ միայն Երևանին որպես ՀԱՊԿ դաշնակից աջակցելն է, այլ նաև իրավիճակը սրման չհասցնելը, որովհետև դա կբերի տարածաշրջանային մեծ ճգնաժամի՝ ՀԱՊԿ-ը տեր կանգնի Հայաստանին, Թուրքիան էլ տեր է կանգնելու Ադրբեջանին։
-Այդ իրավիճակից կա՞ ելք:
-Խնդիրը միջազգային իրավունքի շրջանակներում հասնելն է նրան, որ Ադրբեջանի կողմից ճանաչված տարածքը գտնվի իր իրավասության ներքո։ Բայց հայերի իրավունքները նույնպես պետք է հարգվեն, որպեսզի նրանց կյանքին ոչինչ չսպառնա։ Այդտեղ էլ ՀԱՊԿ-ը կարող է իր դերը կատարել խաղաղապահության ու սահմանների պաշտպանության առումով։ Դաշինքի համար շատ աշխատանք կա։ Հետևաբար, ոչ մի դեպքում չպետք է նրան հաշվից դուրս գրել։
- Բելառուսի նախագահության օրոք դա կհաջողվի՞:
- Ամեն դեպքում, մենք կփորձենք դա անել։ Վստահ չեմ, որ ամեն ինչի համար ժամանակ կլինի, բայց մեր պետությունը չափազանց շահագրգռված է դրանում։
Նյութը հրապարակման պատրաստեց Կամո Խաչիկյանը
