Վահան Քերոբյանի օրերը հաշված են
ՎԵՐԼՈՒԾՈՒԹՅՈՒՆՆԵՐ
Էկոնոմիկայի նախարարի պաշտոնում Վահան Քերոբյանի օրերը հաշված են։ Նա առաջիկայում հրաժեշտ կտա իր պաշտոնին, իսկ նրա տեղակալներից որևէ մեկը ժամանակավոր պաշտոնակատար կլինի մինչև նախարարի պաշտոնում նոր նշանակումը, որն ըստ ամենայնի կլինի արդեն Ամանորից հետո։ Քերոբյանն արդեն հասցրել է լուրջ խնդիրներ ունենալ գրեթե բոլոր ՔՊ-ական պատասխանատուների հետ։
Օրեր առաջ էլ լեզվակռիվ է ունեցել Ազգային ժողովի օլիգարխ պատգամավոր Խաչատուր Սուքիասյանի հետ։ Իսկ երեկ Վահան Քերոբյանը հասցրեց զայրացնել նույնիսկ Նիկոլ Փաշինանին։ Ձախողակ նախարարը վթարային շենքերը քանդելու և նոր շենքեր կառուցելու հարցի քննարկման ժամանակ Կառավարության նիստում, ձայն էր խնդրել, թե ասել, թե կարևորն այն է, որ ձևավորում են պատշաճ քաղաքային միջավայր, այսինքն ոչ թե թողնում են անջատված թաղամասեր, այլ քաղաքային միջավայր են ապահովում, որը քաղաքացիների կյանքը դարձնում է անելի լավը։
Նա այս հայտարարությունն արել է Կառավարությունում հնչեցված առաջարկի վերաբերյալ, թե վթարային ամբողջական թաղամասը պետք է զրոյից կառուցվի և որոշ շենքեր քանդվեն։ Քերոբյանը տեղեկացրել է, թե դրա վերաբերյալ արդեն պիլոտային նախագիծ են սկսել քննարկել, որտեղ կա նաև հարկային հարցերի լուծման խնդիր, որի հետ աշխատում են ֆինանսների նախարարության հետ։
Փաշինյանը, անականկալի գալով զայրացել է, որ էկոնոմիկայի նախարարությունն առանց իր գիտության ծրագրեր է մշակում, փոխանակ կատարի արդեն ընտրված նախնական հրահանգները։ «Որոշում են կայացրել, թող կատարեն, ուզում են արագ թող կատարեն և ժամկետի մեջ այդ շենքերը կառուցեն և այդ հարցերը լուծեն», -Քերոբյանին բավական կոշտ սաստել է Փաշինյանը։
Քերոբյանը փորձել է արձագանքել, սակայն Փաշինյանն ընդհանրապես նրան արգելել է շարունակել խոսակցությունը։ Նիստին ներկա պաշտոնյանների և Քաղպայմանագրի անդամների տեղեկություններով՝ Փաշինյանը լուրջ մտահոգություններ ունի Վահան Քերոբյանի աշխատանքի հետ կապված, կարծում է, թե Քերոբյանը ինքնագլուխ քայլեր է կատարում և ընդհուպ նրան կասկածում է մինչև կոռուպցիոն գործարքների մեջ։ Ուստի և առաջիկայում Քերոբյանին ոչ միայն կհեռացնեն, այլ նաև լայն ստուգման կենթարկեն նախարարությունը։
Տաթև Հախնազարյան
